# Rugby: Die Walliese heelagter, Leigh Halfpenny, gaan aan die einde van die huidige seisoen uittree. Hy het die laaste van sy 101 toetse vir Wallis in 2023 gespeel en ook aan drie Britse en Ierse Leeus-toere deelgeneem. Die 37-jarige sluit sy klubdeelname by Cardiff af na hy ook vir Toulon, Scarlets, die Crusaders en die Harlequins uitgedraf het. Hy sê om vir sy unie te speel was nog altyd ‘n droom van sy kinderjare af. Die lewenslange president van die Cardiff Rugby, die voormalige Leeus-speler, Gareth Edwards, beskryf Halfpenny as een van die sport se grotes.
Rugby: Walliese grote Leigh Halfpenny hang sy stewels op