#’n Reddingspan van China het in Mianmar se vorige hoofstad, Yangon, aangekom, terwyl Rusland en Amerika ook humanitêre bystand en hulp verleen ná gister se verwoestende aardbewing waarin meer as duisend mense dood is. China se president, Xi Jinping het ‘n boodskap van medelye aan Mianmar se leier, Min Aung Hlaing, gestuur. Volgens China se ambassade in Mianmar was hulle in telefoniese verbinding. Die land se staatsmedia berig dat geboue in vyf stede en dorpe in duie gestort het, asook ‘n brug en ‘n treinbrug oor die Yangon-Mandalay-snelweg.
Reddingspanne kom in Mianmar aan nadat meer as duisend in vernietigende aardbewing sterf