Follow Us
ActionSA brei veldtog na Limpopo uit
Tue 8th Feb 2022
News 15:00
Tue 8th Feb 2022
Print Friendly, PDF & Email

NUUSFLITS NUUSAGENTSKAP 8 Februarie 3 nm

Goeiemiddag,

In die bulletin:

# ‘n Gesamentlike struktuur maak seker alle veiligheidsmaatreëls is gereed vir die staatsrede Donderdag
# ‘n Kaapstadse hospitaal maak ‘n deurbraak met ‘n aangebore hartsiekte
# en ‘n verslag sê al meer elektriese motors word verkoop

# Die Nasionale Gesamentlike Operasionele en Intelligensie-struktuur het alle maatreëls getref om te sorg vir veiligheid wanneer die staatsrede Donderdag in die Kaapstadse stadsaal gelewer word. Die woordvoerder van die eenheid, Athlenda Mathe, sê veiligheidsmagte is ontplooi om seker te maak van ‘n veilige omgewing. Mathe sê wetstoepassers sal hul plig volgens hul grondwetlike volmag uitvoer. Slegs die Suid-Afrikaanse Lugmag het gebruik van die lugruim om die stadsaal. Geen hommeltuie sal toegelaat word nie.

# Die Departement van Kardiologie aan die Tygerberg-hospitaal in Kaapstad het ‘n deurbraak gemaak in navorsing oor ‘n aangebore hartsiekte. Die waarnemende hoof van die afdeling, Hellmuth Weich, sê hulle het ‘n stelsel ontwikkel om rumatiese hartsiektes in kinders op te spoor. Met die Echo in Africa-projek is meer as sewe-duisend kinders al ondersoek. Honderd-en-tagtig rumatiese hartsiektes is gediagnoseer, maar 60 ongediagnoseerde gevalle is ook opgespoor. Volgens Weich word aangebore hartsiektes soms nie waargeneem nie:

Speel klankgreep: ENG HellmuthWeichOnDisease

# Honderde betogers het vandag voor die parlementsgebou in die Nieu-Seelandse hoofstad, Wellington, vergader om ‘n einde aan Covid-19 inperkings te eis. Reuters berig die eerste minister Jacinda Ardern het hulle egter gewaarsku die pandemie gaan nie met die Omikron-variant eindig nie en Nieu-Seeland moet hom vir nog variante vanjaar voorberei. Ardern se regering het van die strengste pandemie-regluasies in die land ingestel. Sy het bevestig in die land van vyf-miljoen mense was daar sowat 18-duisend bevestigde besmettings, en 53 sterftes het voorgekom.

# Rugby: Suid-Afrikaanse Rugby het die Springbokke se tuistoets-skedule vir vanjaar bevestig. Die Bokke sal hul seisoen in Julie afskop met drie toetse teen Wallis. Hulle sal daarna die tuistoetse van hul Rugbykampioenskap-veldtog begin met twee kragmetings teen die All Blacks in Augustus. Die Bokke sal hul veldtog afsluit met ‘n tuistoets teen Argentinië op 24 September in Durban. Die oorsese toetse behels drie wedstryde, naamlik twee teen Australië en een teen Argentinië in Buenos Aires.

# Finansiële aanwysers: Die rand verhandel teen 15-rand-43-sent teen die dollar, 17-rand-64-sent teen die euro en 20-rand-92-sent teen die pond. Bitcoin verhandel teen 43-duisend-836-dollar-5-sent. Die prys van goud is een duisend-818-dollar-15-sent per fynons en die prys van Brent ruolie 90-dollar-94-sent per vat.

# En ten slotte: ‘n Onlangse verslag van die Internasionale Energie-agentskap sê in 2012 is sowat 130-duisend elektriese motors wêreldwyd verkoop, maar vandag word dieselfde hoeveelheid in ‘n week verkoop. Die verslag deur ‘n ontleder van Clean Energy Technologies, Leonardo Paoli, en hoof van die afdeling Energie-tegnologie-beleid, Timur Gül, verwys na ligte elektriese voertuie, wat passasiersmotors en ligte handelsvoertuie insluit. Dit sluit ook battery-gedrewe en hibriede inprop-voertuie in. Die navorsers reken daar is nou wêreldwyd sowat 16-miljoen elektriese motors op die pad, wat rofweg 30 terawatt-ure elektrisiteit per jaar gebruik.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Available
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Available
WeCreativez WhatsApp Support
Technical Support
Tekkie
Available
WeCreativez WhatsApp Support
Editor on duty
Mariana Vos
Away