Follow Us
News 06:00
Wed 9th Feb 2022
Nuus-hooftrekke 06:30 (DGO) 9 Februarie
Wed 9th Feb 2022
Print Friendly, PDF & Email

NUUSFLITS NUUSAGENTSKAP 9 Februarie 6 vm

Goeiemôre,

In die bulletin:

# Die nasionale minimum loon is verhoog en tree op 1 Maart in werking
# Eskom skort beurtkrag voorlopig op
# En, The Power of the Dog spog met 12 benoemings vir die 2022-Oscars

# Die nasionale minimum loon per uur is van 21-rand-69-sent na 23-rand-19-sent verhoog en tree op die eerste van volgende maand in werking. Die minister van Indiensneming en Arbeid, Thulas Nxesi, sê die aanpassing bied wel uitsonderings vir plaaswerkers en huiswerkers. Nxesi sê dit is onwettig en onbillike arbeidspraktyk vir ‘n werkgewer om werksure of diensvoorwaardes te verander wanneer die loon ingestel word. Hy sê die bedrag betaalbaar vir gewone werksure sluit die betaling van toelaes soos vervoer, kos, verblyf, fooitjies, bonusse en geskenke uit.

# Eskom se uitvoerende hoof, André de Ruyter, sê die kragvoorsiener is nou in ‘n baie beter toestand en geen beurtkrag word vir die oomblik voorsien nie. Dit is egter op voorwaarde dat geen onvoorsiene probleme by sy kragstasies voorkom nie. De Ruyter gisteraand tydens ‘n media-inligtingsessie gesê die eenhede wat by die kragstasies Camden, Kusile, Duvha en Matla  in Mpumalanga buite werking was, het gelei tot die verlies van meer as 16-duisend megawatt krag:

Speel klank: ENG RuyterOnSystem

# Vodacom sal volgende maand met ‘n bedrag wat aanvaarbaar is vir die Hooggeregshof in Pretoria vorendag moet kom, in die saak van die uitvinder van “Please Call Me”. Nkosana Makate was ‘n werknemer by die selfoonreus toe hy in 2001 op die idee gekom het. Die hof het saamgestem Vodacom se aanbod van 47-miljoen-rand is nie naastenby genoeg vir dit wat regter Wendy Hughes ‘n briljante uitvindsel noem nie. Sy het bevind hy is geregtig op vyf-persent van die algehele inkomste wat Vodacom die afgelope 21 jaar met “Please Call Me” verdien het.

# Die Franse president Emmanuel Macron sê hy het president Vladimir Putin van Rusland oortuig om nie die situasie in die Oekraïne te vererger nie. Hy het dié stelling gemaak tydens samesprekings wat hy gister in Kiëf met die president van die Oekraïne, Volodymyr Zelenskiy, gevoer het. Moskou ontken dit egter en sê Putin het nie so ‘n ooreenkoms met Macron aangegaan nie. Rusland het meer as 100-duisend soldate naby die grens van die Oekraïne saamgetrek. Moskou het bevestig Russiese troepe sal Belarus verlaat aan die einde van oefeninge wat later hierdie maand naby die Oekraïne se noordelike grens plaasvind, en beweer dit was nog altyd die plan.

# Krieket: Die voormalige Protea-kaptein Graeme Smith sal weer aansoek moet doen vir sy pos as Suid-Afrika se direkteur van krieket wanneer sy kontrak einde Maart verstryk. Die voorsitter van Krieket Suid-Afrika se onafhanklike direksie, Lawson Naidoo, het dit gister bevestig. Smith is in Desember 2019 tydelik aangestel en in April 2020 permanent aangestel op ‘n twee-jaar-kontrak, met die keuse om dit vir nog ‘n jaar te hernu. Die Proteas se hoofafrigter en ‘n voormalige spanmaat van Smith, Mark Boucher, is ook onder skoot vir beweerde rassistiese gedrag tydens sy loopbaan.

# Finansiële aanwysers: Die rand verhandel teen 15-rand-35-sent teen die dollar, 17-rand-53-sent teen die euro en 20-rand-79-sent teen die pond. Bitcoin verhandel teen 44-duisend-29-dollar-1-sent. Die prys van goud is een duisend-825-dollar-49-sent per fynons en die prys van Brent ruolie 91-dollar-9-sent per vat.

# En ten slotte, die benoemings vir die jaarlikse Oscars op die 27ste van volgende maand is bekend gemaak. Die vroue wat vir beste aktrise genomineer is, is Jessica Chastain, Olivia Colman, Penélope Cruz, Nicole Kidman en Kristen Stewart. Die mans wat benoem is, is Javier Bardem, Benedict Cumberbatch, Andrew Garfield, Will Smith en Denzel Washington. Die titels op die lys van die beste rolprente is Belfast, Coda, Don’t Look Up, Drive my Car, Dune, King Richard, Licorice Pizza, Nightmare Alley, West Side Story en The Power of the Dog, wat in 12 kategorieë genomineer is.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away