Oggendkoerant-verslag

Die hooftrekke uit die belangrikste nuusblaaie soos op 06 November 2026:.

NASIONAAL:

# Business Day:

Berig oor die DA se oorheersing in die Wes-Kaap. Die koerant skryf in die meeste ander rade sal die vorming van koalisies die toekoms bepaal, maar partye sal moet wag terwyl die OVK die tel- en verifikasieproses voltooi

# Mail & Guardian:

Skryf winde van verandering het oor Suid-Afrika gewaai en politiek het nie ‘n groot rol gespeel in die verkiesing nie. Mense se keuses is bepaal deur dienslewering en die lewenskoste.

# Die Papier:

Berig die vernaamste boodskap van die verkiesing is dat die ANC op pad uit is, die DA se steun voortdurend groei en die MK-party gevestig is om te bly.

Dan skryf die koerant die partye is onder groot druk want hulle moet binne twee weke die vorming van koalisies afhandel.

En laastens is daar nuus uit Ventersdorp waar die boere en talle ander organisasies saam betoog het oor plaasmoorde buite die hof waar beskuldigdes verskyn het in verband met die aanval op Donovan Marx.

# En die Netwerk24-webblad:

Berig geheime koalisiesamesprekings is reeds aan die gang en ActionSA wat as koningmaker in Gauteng gesien word, het reeds met die ANC en DA gepraat oor Johannesburg, Tshwane en Ekurhuleni.

En tweedens skryf die webblad met sewe van die agt metrorade waarvan slegs 65-persent van die finale uitslae bekend is, woed die stryd om beheer steeds voort.

GAUTENG:

# The Star:

Skryf die polisie het 57 strafregtelike dossiere geopen, terwyl 21 moordsake wat as polities gemotiveer geklassifiseer is, gedurende die verkiesingstydperk aangemeld is. Die voorsitter van die Nasionale Gesamentlike Operasionele en Intelligensiestruktuur, luitenant-generaal Tebello Mosikili, sê van die 57 sake hou 32 verband met beweerde oortredings van die Kieswet.

# Sowetan:

Lei met: “WHEN THE ANC FALLS APART”. Die koerant berig die ANC het een van sy grootste nederlae gely in die verkiesing en is nou slegs beskikbaar as moontlike koalisievennoot.

# En The Citizen:

Skryf Johannesburg is die volgende slagveld wat baie fyn dopgehou word. Die DA se burgemeesterskandidaat, Helen Zille, is voortdurend teenwoordig in die Nasionale Uitslagsentrum in Midrand.

WES-KAAP:

# Die Burger:

Staan sy hele voorblad af aan die verkiesing en berig oor die ‘Blou Golf’ wat oor die Wes-Kaap gespoel het met die oorweldigende meerderheid wat die DA behaal het. Die koerant skryf die Patriotic Alliance is doodstil.

OOS-KAAP:

# The Herald in Gqeberha:

Staan ook sy hele voorblad af aan die verkiesingsuitslae en berig die DA het die ANC in Nelson Mandelabaai getroef en die nuwe magsverdeling kan die politieke landskap in die metro verander.

KWAZULU-NATAL:

# The Witness in Pietermaritzburg:

Skryf oor die groot sukses wat die MK-party in die provinsie en veral EThekwini behaal het en ook oor die DA se oorwinning in Umngeni met Chris Pappas aan die stuur.

En ten slotte uit NAMIBIË:

# Republikein in Windhoek:

Berig Namibië het teen Oktober 2026 15 projekte, ter waarde van 15-miljard-rand, gehad wat struikelblokke ondervind wat grondtoegang, omgewingsgoedkeurings, visums en ander regulatoriese vereistes behels.

En tweedens skryf die koerant die minister van Gesondheid en Maatskaplike Dienste, dokter Esperance Luvindao sê die bekendstelling van die ambulansdiens beteken nie die ministerie het sy planne laat vaar om gesondheidsdienste nader aan inwoners te bring nie.