Nuus 14:00

BULLETIN 28 Oktober 2 nm

Goeiemiddag. Ek is……..

In die bulletin:

# Die OVK sê stembriewe sal teen Vrydag gereed wees ná ‘n hofuitspraak
# Minister Macpherson tree op teen kontrakteurs wat nie presteer nie
# En ‘n aktrise word aangekeer nadat sy glo teen 198-kilometer per uur op ‘n KwaZulu-Natalse snelweg jaag

# Die Verkiesingskommissie mik daarna om al die stembriewe teen Vrydag gereed te hê vir volgende week se plaaslike regeringsverkiesing. Die hoofverkiesingsbeampte, Sy Mamabolo, het aan eNCA gesê miljoene stembriewe moet herdruk word ná die Konstitusionele Hof se uitspraak ten gunste van die ANC. Die party het die uitsluiting van sy kandidate betwis nadat kandidatelyste nie betyds ingedien is nie. Mamabolo sê die OVK jaag om stembriewe betyds te herdruk:

# Die minister van Openbare Werke en Infrastruktuur, Dean Macpherson, sê die regering verskerp toesig oor die boubedryf om kontrakteurs aanspreeklik te hou. Hy het in Pretoria 60 kontrakteurs is sedert verlede maand geskrap van die Nasionale Register van Kontrakteurs teen slegs een tussen 2002 en 2024. Macpherson sê nog 15 kontrakteurs sal hierdie maand verwyder word ná bevindings van wanvoorstelling. Hy sê die maatreëls het ten doel om aanspreeklikheid in die bedryf te versterk:

# Die regering vra waaksaamheid aangesien die El Niño-weerpatroon hitte en reënval onder normale vlakke tussen dié maand en Desember meebring. Die Suid-Afrikaanse Weerdiens waarsku oor abnormaal hoë temperature en onder-normale reënval. Die regering raai mense aan om buitelug-bedrywighede te beperk tot die vroeë oggend of laat middae, in die skadu te bly, hoede met breë rande, sonbrille en ligte klere te dra, genoeg water te drink en sonskerm aan te wend. Die Weerdiens vra mense om amptelike waarskuwings en die riglyne van rampbestuursowerhede te volg.

# Rugby: Newcastle Red Bulls se voorspeler, Ollie Leatherbarrow, maak dalk sy buiging vir Skotland tydens volgende maand se tuiswedstryde in die Nasieskampioenskap. Die 24-jarige is in Engeland gebore, maar kwalifiseer vir Skotland deur sy ouma. Afrigter Gregor Townsend het ‘n groep van 37 spelers aangewys. Skotland ontvang die All Blacks op 7 November, gevolg deur wedstryde teen die Wallabies en Japan. Die nuwe kompetisie word ‘n week later afgesluit met die eindronde op Twickenham in Londen gegrond op die finale plasings op die noordelike en suidelike halfrond-punteleer.

# Die finansiële aanwysers: Die rand verhandel teen 16-rand-69-sent teen die dollar, 18-rand-59-sent teen die euro en 22-rand-22-sent teen die pond. Bitcoin verhandel teen 79-duisend-490-dollar. Die prys van goud is drie-duisend-994-dollar-20-sent per fynons en die prys van Brent-ruolie is 116-dollar-42-sent per vat.

# En ten slotte: Die aktrise Asavela Mngqithi is aangekeer nadat sy glo teen 198-kilometer per uur in ‘n 120-kilometer-sone betrap is op die N2 naby Ellingham in KwaZulu-Natal. Die provinsiale Departement van Vervoer sê Mngqithi, bekend vir haar rolle in Isibaya en Abomama, was in ‘n BMW X3. Sy sal na verwagting môre in Scottburgh se Landdroshof verskyn. Woordvoerder Ndabezinhle Sibiya sê 421 aanklagte vir spoedoortredings is die afgelope naweek uitgereik en een-duisend-719 motoriste aangekla van verskeie ander verkeersoortredings:

Bly ingeskakel vir meer nuus……………….