Nuus 14:00

BULLETIN 20 Oktober 2 nm

Goeiemiddag. Ek is……..

In die bulletin:

# Twee strande in KuGompo City is gesluit ná ‘n noodlottige haaiaanval
# ‘n Australiese LP verloor haar been ná ‘n aanval met ‘n voertuig
# En rugby: VRK-aksie hervat dié naweek na die eerste ronde van die Kampioene- en Uitdaagbeker

# Die Buffalo City Munisipaliteit in die Oos-Kaap het Orientstrand en Oos-strand in KuGompo City tot verdere kennisgewing gesluit ná vanoggend se noodlottige haaiaanval op Orientstrand. Die slagoffer was volgens berigte ‘n bejaarde vrou wat saam met ‘n groep oopwaterswemmers geswem het. Die munisipaliteit vra strandgangers om uit die water te bly op die betrokke strande en versigtig te wees in ander kusgebiede.

# Die president van die Suid-Afrikaanse Reserwebank, Lesetja Kganyago, sê betalingstelsels vorm noodsaaklike ekonomiese infrastruktuur. Hy het op die bank se betalingskonferensie planne uiteengesit om die stelsel op te gradeer en veiliger, doeltreffender en toegankliker te maak. Die fokus sluit in die uitbreiding van toegang vir meer rolspelers buiten banke, die uitbreiding van PayShap, eenvormige QR-kodes en die ontwikkeling van ‘n enkele digitale identiteit vir betalings. Kganyago sê die Reserwebank is besig om oorgrensbetalings te verbeter:

Die ACDP is intussen versigtig optimisties dat die mediumtermyn-begrotingsverklaring goeie nuus sal inhou, veral rakende die land se skuldvlakke, met inkomste-invordering wat na verwagtig voorspellings sal klop. Godongwana gaan môre die regering se fiskale beleid vir die volgende drie jaar uiteensit, insluitend inkomste- en uitgawe-prestasie. Steve Swart van ACDP vra hom om die bykomende belastinginkomste vir brandstofverligting aan te wend aangesien stygende lewenskoste steeds druk plaas op Suid-Afrikaners:

Nuus uit die buiteland:

# ‘n Australiese parlementslid het haar been verloor nadat sy gister deur ‘n voertuig getref is voor haar kiesafdelingskantoor in Wangaratta. Die aanval blyk doelbewus te gewees het. Volgens ooggetuies het die bestuurder die 65-jarige onafhanklike LP Helen Haines eers teen haar geparkeerde motor gestamp, waarna hy agteruit gery en haar weer getref het. Die 65-jarige het ‘n nood-operasie ondergaan en is steeds in ‘n ernstige maar bestendige toestand. ‘n Drie-en-veertigjarige man is in hegtenis geneem en teen-terrorisme-ondersoekers is betrek by die ondersoek. Die motief vir die aanval is onbekend.

# Rugby: Verenigde Rugbykampioenskap-aksie hervat hierdie naweek ná afloop van die eerste ronde van die Kampioenebeker en die Uitdaagbeker. Die Stormers, die Haaie en die Bulle het hul wedstryde gewen, terwyl die Leeus en die Cheetahs verloor het. Die Haaie pak Vrydag vir Cardiff in Wallis ​​in ‘n VRK-kragmeting, en die Leeus speel teen Edinburgh in Skotland. Die Bulle verwelkom Saterdag die Ierse span Ulster op Loftus, terwyl die Stormers teen Scarlets van Wallis in Kaapstad te staan kom. Die Cheetahs speel nie in die VRK nie.

# En die finansiële aanwysers: Die rand verhandel teen 16-rand-44-sent teen die dollar, 18-rand-44-sent teen die euro en 21-rand-93-sent teen die pond. Bitcoin verhandel teen 81-duisend-494-dollar. Die prys van goud is vier-duisend-115-dollar-65-sent per fynons en die prys van Brent-ruolie is 112-dollar-82-sent per vat.

Bly ingeskakel vir meer nuus……………….