# ‘n Lugvaartkenner sê die Kaapstadse Internasionale Lughawe is gedurende spitstye byna by sy volle vermoë namate passasiergetalle aanhou groei. Die voormalige lugverkeerbeheerder Rob Russell sê die toenemende druk op aanloopbane, vliegtuigstaanplekke en terminaalgeriewe veroorsaak vertragings en opeenhopings. Hy sê beplande infrastruktuur-opgraderings moet versnel word. Russell waarsku daar is geen kitsoplossing nie, aangesien dit tot drie jaar kan neem om ‘n nuwe aanloopbaan te voltooi. Hy voeg egter by dat veiligheid nie in gedrang is nie, ondanks die toenemende druk.
Lugvaartkenner waarsku Kaapstadse lughawe bereik sy volle vermoë