# Gun Free South Africa is bekommerd oor ‘n skerp afname in die hernuwings van vuurwapenlisensies en waarsku dit hou ‘n groeiende openbare veiligheidsrisiko in. In ‘n onderhoud met die SABC het uitvoerende direkteur Stanley Maphosa gesê lisensiehernuwings het sedert 2022 met ongeveer 75 persent gedaal. Maphosa het bygevoeg dat honderdduisende vuurwapeneienaars na ‘n uitspraak van die Konstitusionele Hof nie hul lisensies hernu het nie, wat daardie vuurwapens nou onwettig maak. Hy het die polisie gevra om eienaars wat nie hul lisensies hernu het nie op te spoor en te vervolg.
Gun Free SA waarsku oor afname in lisensiehernuwings