# Die kommissaris van die Grensbestuursowerheid, Michael Masiapato sê tydens ‘n media-inligtingsessie kapasiteitsbeperkings bly ‘n groot uitdaging in die beveiliging van Suid-Afrika se grense. Hy noem tekorte aan personeel, voertuie, IKT-stelsels en hommeltuie, en merk op dat slegs vyf hommeltuie tans operasioneel is. Masiapato sê vennootskappe met privaatsektormaatskappye het bedrywighede tydelik versterk, wat die onderskepping van onwettige oorgrensbeweging moontlik gemaak het. Hy beklemtoon die behoefte aan permanente hulpbronne en sê verbeterde toerusting soos hommeltuie en amfibiese voertuie is doeltreffend en sal grensveiligheid verbeter sodra voldoende befondsing bekom is.
Grensbestuursowerheid staar uitdagings met grensbeveiliging in die gesig