# Die EFF in Gauteng het die moord op die adjunkhoofsweep van die IVP, Khethamabala “KP” Sithole, veroordeel en dit as ‘n sinnelose daad van geweld beskryf. Die party het sy meegevoel betuig met die Inkatha Vryheidsparty en Sithole se familie en sy jare lange openbare diens geloof. Die IVP se provinsiale sekretaris, Alco Ngobese, is ook geskiet en gewond in die aanval gisteraand in Katlehong, Gauteng. Die EFF het die polisie versoek om beslissend op te tree teen politieke moorde en geweld met vuurwapens, en het Ngobese ‘n spoedige herstel toegewens.
EFF Gauteng veroordeel moord op IVP LP Khethamabala Sithole