Nuus 08:00

BULLETIN 30 Mei 8 vm

Goeiemôre. Ek is……..

In die bulletin:

# ‘n Tweede verslag van die Madlanga-kommissie word aan president Cyril Ramaphosa voorgelê
# Die Motorbedryf-personeelvereniging sê werkloosheid moet tot ‘n nasionale noodtoestand verklaar word
# En Sokker: Bafana Bafana in ‘n doellose gelykopuitslag teen Nicaragua voor die Wêreldbeker

# Die Madlanga-kommissie se tweede tussentydse verslag is aan president Cyril Ramaphosa oorhandig, met toenemende verwagtings dat verskeie arrestasies binnekort kan volg. Die kommissie, wat bewerings van korrupsie en misdadige infiltrasie binne wetstoepassings- en staatsinstellings ondersoek, hervat Maandag sy verhore met die geskorste KwaZulu-Natalse Valke-hoof Lesetja Senona wat sal getuig. Ondersoeke na bewerings oor georganiseerde misdaadnetwerke en wangedrag in die strafregstelsel word voortgesit.

# Die minister van Hoër Onderwys en Opleiding, Buti Manamela, sê die Nasionale Finansiële Hulpskema vir Studente word tans versterk en hervorm ondanks toenemende kommer oor bestuur. Hy het voor die Parlement se portefeuljekomitee oor Hoër Onderwys en Opleiding verskyn, waar kwessies soos onreëlmatighede in die skema, insluitend die aanstelling van personeel, bespreek is. Manamela het die administrasie van die fonds verdedig en voer aan herhaalde raadsmislukkings sedert 2019 het bygedra tot voortdurende uitdagings:

# Die Motorbedryf-personeelvereniging doen ‘n beroep op die regering om werkloosheid tot ‘n nasionale noodtoestand te verklaar, aangesien toenemende werkloosheid armoede, woede en groeiende vyandigheid teenoor immigrante aanvuur. Phakamile Hlubi-Majola van die vereniging sê Suid-Afrika se werkloosheidsyfer van 32,7-persent bly onder die hoogste ter wêreld, wat veroorsaak dat miljoene mense, veral jongmense, afhanklik is van maatskaplike toelae en uitgesluit word van werksgeleenthede:

# Die Organisasie teen Belastingmisbruik sê Johannesburg se finansiële en diensleweringsuitdagings sal nie opgelos word deur onduidelike aankondigings of vae ingrypingsplanne nie. Dit kom terwyl Eskom en die Stad Johannesburg ‘n ooreenkoms oorweeg om die stad se groeiende skuld aan te spreek terwyl elektrisiteitsonderbrekings vir betalende kliënte vermy word. Julius Kleynhans van OUTA sê die sukses van enige ooreenkoms sal afhang van deursigtigheid, verantwoordbaarheid en duidelike maatreëls vir inkomsteherwinning:

# Sokker: Bafana Bafana moes gisteraand tevrede wees met ‘n doellose gelykoptelling teen ‘n vasberade Nicaragua in hul opwarmingswedstryd op die Orlando-stadion voor hulle vertrek na die Wêreldbeker-toernooi. Dit was ‘n frustrerende en teleurstellende aand vir Suid-Afrika, wat nie daarin kon slaag om deur die besoekers se stewige verdediging te kom nie en Lyle Foster wat ‘n strafskop gemis het. Die span vertrek môre na Mexiko, waar hulle hul voorbereidings sal afsluit met ‘n vriendskaplike kragmeting teen Jamaika. Suid-Afrika begin hul Wêreldbeker-veldtog op 11 Junie wanneer hulle teen Mexiko te staan kom.

# En ten slotte: Die Suid-Afrikaanse Weerdiens sê wydverspreide oggendmis word vandag in verskeie dele van die land verwag, gevolg deur bewolkte tot gedeeltelik bewolkte en warm toestande. Afwisselende buie word in Mpumalanga, KwaZulu-Natal en dele van die Oos-Kaap verwag. Gauteng sal na verwagting koel in die oggend wees, met warmer toestande later in die dag, terwyl ryp moontlik is oor dele van Mpumalanga se suidelike Hoëveld. Motoriste word versoek om versigtig te wees met verminderde sigbaarheid in die vroeë oggendure.

Bly ingeskakel vir meer nuus……………….