Nuus 07:00

BULLETIN 30 Mei 7 vm

Goeiemôre. Ek is……..

In die bulletin:

# Parlementêre getuienisleiers se bevindings teen Senzo Mchunu is ongunstig
# Fikile Mbalula prys die veteraneliga as ‘n bron van wysheid en leiding binne die party
# En rugby: Die Blitsbokke skitter in Valladolid met twee agtereenvolgende oorwinnings

# Die Parlement se ad hoc-komitee wat korrupsie in die polisie ondersoek, het ongunstige bevindings teen die minister van Polisie, Senzo Mchunu gemaak, wat tans op spesiale verlof is. Die verslag het bevind Mchunu het ‘n opdrag uitgereik om die taakspan vir politieke moorde sonder behoorlike raadpleging te ontbind en het die opdrag aan ‘n junior amptenaar gestuur, nie die nasionale polisiekommissaris nie. Verdere aanduidings toon die taakspan se werk om ‘n beweerde misdaadsindikaat binne wetstoepassing bloot te lê, het die besluit moontlik beïnvloed. Die finale verslag sal volgende maand aan die Nasionale Vergadering voorgelê word.

# Die ANC se sekretaris-generaal Fikile Mbalula sê veterane in die party gaan waarskynlik ‘n belangrike rol in die toekomstige rigting van die beweging speel. Hy het tydens die ANC-veteraneliga se nasionale uitvoerende komiteevergadering in Sandton, Gauteng, gepraat. Mbalula beskryf die veterane as ‘n belangrike bron van ervaring en wysheid wat die party voor die plaaslike regeringsverkiesing sal versterk:

# Die Johannesburgse Metropolisie het omvattende verkeersmaatreëls vir die Nasrec omgewing die naweek aangekondig met verskeie groot geleenthede wat gelyktydig plaasvind. Die geleenthede sluit in, Dr. Tumi se byeenkoms van aanbidders op die FNB-stadion, die Portugese Fees en HYROX in die Ekspo-sentrum. Padsluitings en verkeersbeheerpunte kan verwag word op Nasrecweg, die Goue-hoofweg en die Soweto-hoofweg. JMPD-woordvoerder Xolani Fihla vra motoriste om die aangewese parkeerareas te gebruik:

# Statistiek Suid-Afrika sê sakelikwidasies het in April toegeneem van 199 tot 233 gevalle, ‘n styging van 17-persent, in vergelyking met dieselfde maand verlede jaar. Onica Mushwana van Statistiek SA sê in die drie maande tot April het likwidasies met 8,8-persent gestyg, terwyl die eerste vier maande van hierdie jaar ‘n toename van 3,7-persent getoon het in vergelyking met dieselfde tydperk verlede jaar. Mushwana sê dit is ‘n aanduiding van die voortgesette druk op ondernemings:

# Die Parlement van Suid-Afrika gaan die 69ste Statebond Parlementêre Konferensie in September 2026 in Kaapstad aanbied. Parlementslede, amptenare van die Parlement en afgevaardigdes van regoor die Statebond sal die geleentheid bywoon, wat deur die Statebond Parlementêre Vereniging gereël word. Die Parlement sê die konferensie bied ‘n belangrike geleentheid vir Suid-Afrika om sy demokratiese instellings ten toon te stel, internasionale parlementêre samewerking te versterk en die land se prestasies en voortdurende uitdagings op die internasionale verhoog uit te lig.

# En rugby: Die Blitzbokke het hul veldtog in die Valladolid Seweswêreldkampioenskap in Spanje op ‘n wennoot afgeskop toe hulle Brittanje in ‘n spannende kragmeting met 17–12 geklop het. Die wedstryd was tot die laaste minuut nog gelykop met 12 punte elk, maar Tristan Leyds het in bykomende tyd met ‘n drie die oorwinning vir Suid-Afrika beklink. In hul ander wedstryd teen Kenia het Suid-Afrika ‘n maklike oorwinning van 14-0 behaal nadat hulle met rustyd met 7-0 voorgeloop het. Vanmiddag pak die Blitsbokke Australië in hul laaste groepwedstryd in Groep A, voor die kwarteindronde.

Bly ingeskakel vir meer nuus……………….