Nuus 11:00

BULLETIN 13 Desember 11 vm

Goeiemôre. Ek is……..

In die bulletin:

# Daar is geen goedgekeurde bouplanne vir die Verulam-tempel wat ineengestort het nie
# Limpopo versoek motoriste om versigtig te wees gedurende die feestyd
# En koning Charles maak goeie nuus oor sy kankerbehandeling bekend

# Die eThekwini-munisipaliteit sê geen goedgekeurde bouplanne is ingedien vir die Verulam-tempelgebou wat in Durban, KwaZulu-Natal, ineengestort het nie. Twee mense is dood en drie ander is steeds vasgekeer. Reaksie-eenheid Suid-Afrika sê reddingspanne boor versigtig deur puin om oorlewendes op te spoor. Die gebou het na bewering ineengestort terwyl beton deur ‘n mengvragmotor gegooi is. Burgemeester Cyril Xaba sê die voldoeningsregulasies sal nou ondersoek word:

# Die Departement van Basiese Onderwys het die uitspraak deur die Hooggeregshof in Pretoria verwelkom wat sy wetlike gesag bevestig om die uitslae van die Nasionale Senior Sertifikaat in koerante en geakkrediteerde mediaplatforms te publiseer. Die uitspraak stel dit duidelik dat hierdie gevestigde praktyk nie die verwerking van persoonlike inligting onder die Wet op die Beskerming van Persoonlike Inligting verteenwoordig nie. Terence Khala van die departement sê die uitspraak herstel sekerheid vir leerders en gesinne:

# Die Limpopo Departement van Vervoer en Gemeenskapsveiligheid doen ‘n beroep op motoriste om vooruit te beplan te midde van toenemende feestydverkeer toeneem met skoolsluitings en die Mapungubwe-fees in Polokwane hierdie naweek. Woordvoerder Matome Taueatsoala waarsku teen donderstorms en swaar reën en vra padgebruikers om spoed te verminder en die R-101 as ‘n alternatief vir die N1 te gebruik. Hy sê wetstoepassing sal ontplooi word namate die Phuza-naweekoptredes teen dronkbestuur verskerp word:

# Meer as 180 migrante het Pole binnegekom deur ‘n tonnel wat in ‘n woud op die grens met Belarus versteek is. Volgens die Poolse Grenswag is ongeveer 130 in Pole aangehou nadat die deurgang Donderdag ontdek is, maar die res is steeds op vrye voet. Pole is ‘n lidstaat van die Europese Unie en worstel sedert 2021 met ‘n migrantkrisis op sy grens met Belarus. Hy beskuldig Belarus en sy bondgenoot Rusland daarvan dat hulle beplan om Pole te destabiliseer deur mense, hoofsaaklik uit die Midde-Ooste en Afrika, aan te moedig om die grens oor te steek.

# Sokker: ‘n Ontleder van Meltwater Media Culture, Zubair Timol, sê ‘n moontlike skuif deur Mohamed Salah van Liverpool na die Saoedi-liga kan kommersiële vennootskappe, ondersteunerbetrokkenheid en die liga se profiel wêreldwyd verhoog. Timol beklemtoon Salah se Europese stamboom, Kampioeneliga-ervaring en sterkrag as sleutelfaktore wat borgskappe vir luukse handelsmerke kan lok. Hy sê Salah sal ‘n positiewe impak op die kompetisie hê en die liga se aantrekkingskrag voor die Januarie-oordragvenster verhoog:

# En ten slotte: Koning Charles het gister gesê dokters sal sy behandeling vir kanker in die nuwe jaar kan verminder. Hy het dit beskryf as ‘n “seën” en ‘n bewys van merkwaardige mediese vooruitgang. Die 77-jarige monarg is verlede Februarie met ‘n ongespesifiseerde soort kanker gediagnoseer en het die jongste aankondiging in ‘n televisie-uitsending gemaak as deel van ‘n nasionale kankerbewustheidsveldtog in Brittanje. Buckingham-paleis sê dokters sal sy behandeling na ‘n voorsorgfase skuif omdat hy buitengewoon goed gereageer het, maar hulle sal sy gesondheid voortdurend monitor.

Bly ingeskakel vir meer nuus……………….