# Rugby: Bok-ondersteuners sal in net meer as twee uur voor hul TV-stelle vasgenael sit wanneer die Bokke die All Blacks in ‘n Rugbykampioenskap-kragmeting op Eden Park in Auckland pak. Die Bokke het laas in 1937 op Eden Park gewen. Nieu-Seeland verdedig tans ‘n reeks oorwinnings van 50 wedstryde op hul tuisveld. Sommige ontleders wys egter daarop dat Suid-Afrika ‘n sterk voordeel het, nadat hulle die laaste vier agtereenvolgende wedstryde teen die All Blacks gewen het, insluitend die mees onlangse kragmeting. Afskoptyd is om 9:05 vanoggend.