# Australiese polisiebeamptes met aanvalsgewere het begin met sigbare patrollies in Sydney ná verlede Desember se dodelike terreuraanval op Bondi-strand. Die nuwe Gewapende Reaksie-eenheid is die eerste van sy soort in die land. Lede sal ontplooi word op groot byeenkomste, besige openbare ruimtes, sportstadions en aanbiddings-plekke. Die eenheid van 250 lede word met sowat ‘n miljard rand befonds. Die Bondi-aanval, gemik op ‘n Joodse viering, het 15 lewens geëis. Amnestie Internasionaal Australië sê die patrollies veroorsaak kommer oor die toenemende militarisering van die polisie en beskerming van menseregte.
Sydney ontplooi gewapende polisiepatrollies ná verlede jaar se Bondi-terreuraanval