# Die DA sê die inhegtenisneming van die voormalige hoof van die Ondersoekdirektoraat Teen Korrupsie, Andrea Johnson, en die voormalige adjunkhoof van Misdaadintelligensie, Feroz Khan, wek ernstige kommer oor korrupsie in Suid-Afrika se wetstoepassingsagentskappe. Die twee staan tereg op aanklagte van regsverydeling. Glynnis Breytenbach van die party sê die bewerings het die openbare vertroue in die eenheid geskaad en vra dat die direktoraat ontbind word. Breytenbach het haar oproep herhaal vir ‘n onafhanklike teen-korrupsie-liggaam onafhanklik van die Nasionale Vervolgingsgesag se beheer en politieke inmenging.
DA waarsku Johnson en Khan se arrestasie kan openbare vertroue in wetstoepassing verder skaad