# n Ondersoek deur Discovery Insure, Johns Hopkins Universiteit en Affective Mobility het bevind dat afrigting wat deur kunsmatige intelligensie aangevuur word, voertuigbestuursgedrag kan verbeter. Navorsers het vyf-duisend bestuurders ontleed oor 1,7-miljoen ritte waartydens 15-miljoen-kilometer afgelê is. Dit toon beduidende vordering in bestuurdersveiligheid: selfoon-afleidings het met nege-persent gedaal, skerp versnelling en remming het met vyf-persent verbeter, draaie het vier persent gladder geword, en spoed het met drie-persent afgeneem. Navorsers sê regstreekse terugvoer kan motoriste help om veiliger gewoontes te ontwikkel en die gevaar van padongelukke te verminder.
Ondersoek bevind KI-afrigting help bestuurders om gevaarlike padgedrag te verminder