# ‘n Leerder het buite ‘n hoërskool in die weste van Turkye losgebrand en minstens agt kinders gewond. Volgens die uitsaaier NTV was die skietery naby ‘n beroeps- en tegniese skool in Turgutlu in die provinsie Manisa. Die goewerneur se kantoor sê veiligheidsmagte het die vermeende aanvaller in hegtenis geneem. Twee van die gewondes is volgens berigte in ‘n bedenklike toestand. Geen motief is tans bekend nie. Die voorval volg op twee dodelike skietvoorvalle by Turkse skole vroeër vanjaar, wat gelei het tot strenger veiligheidsmaatreëls by skole.
Agt leerders gewond in skoolskietery in Turkye