# Die Oekraïnse president, Volodimir Zelenski, verwelkom die Amerikaanse Huis van Verteenwoordigers se goedkeuring van ‘n omvattende wetsontwerp oor sanksies teen Rusland. Die wetgewing is met 262 stemme teen 159 aanvaar en is gemik op Rusland se energie- en verdedigingsbedrywe, asook sy skaduvloot wat gebruik word om sanksies te omseil. Die wetsontwerp sal die Amerikaanse president Donald Trump toelaat om invoertariewe van tot 100-persent in te stel op lande soos China en Indië wat steeds Russiese olie en gas aankoop. Die wetgewing is verlede maand deur die Senaat goedgekeur en moet nou deur Trump onderteken word.
Oekraïne prys Amerikaanse wetsontwerp oor sanksies teen Rusland