Nuus 11:00

BULLETIN 8 Augustus 11 vm

Goeiemôre. Ek is……..

In die bulletin:

# Die ANC betwis Thandazani Madonsela se aanbeveling as getuienisleier vir die ampsklagkomitee
# Gun Free South Africa waarsku oor die afname in lisensiehernuwings
# En, Not In My Name vra meer gesprekke oor die voorkoming van geweld 

# Die ANC-sekretaris-generaal Fikile Mbalula sê die party gaan formeel by die speaker van die Nasionale Vergadering, Thoko Didiza, beswaar maak oor die voorgestelde aanstelling van advokaat Thandazani Madonsela as bewysleier vir die Parlement se Artikel 89-ampsklagkomitee. Mbalula voer aan dat Madonsela ‘n botsing van belange het omdat hy voorheen regsadvies aan die ANC verskaf het oor dieselfde proses. Die ANC sê hy sal sy besware deur die toepaslike parlementêre kanale indien terwyl die Parlement die finale aanstelling oorweeg.

# Die Nasionale Konvensionele Wapenbeheerkomitee het 64 kontrakteringspermitte ter waarde van 17,8 miljard rand vir 27 lande gedurende die eerste kwartaal van 2026 gemagtig. Die adjunkminister van Justisie en Konstitusionele Ontwikkeling en adjunkvoorsitter van die Komitee, Andries Nel, het die goedkeuring van 86 ammunisie-uitvoerpermitte ter waarde van 855-miljoen-rand, 76 invoerpermitte ter waarde van 82-miljoen-rand, en 29 dubbelgebruik-uitvoerpermitte ter waarde van 172-miljoen-rand aangekondig. Hy sê die komitee bly verbind tot deursigtige wapenbeheer, verantwoordbaarheid en nakoming van binnelandse en internasionale wetgewing.

# Gun Free South Africa is bekommerd oor ‘n skerp afname in die hernuwings van vuurwapenlisensies en waarsku dit hou ‘n groeiende openbare veiligheidsrisiko in. In ‘n onderhoud met die SABC het uitvoerende direkteur Stanley Maphosa gesê lisensiehernuwings het sedert 2022 met ongeveer 75 persent gedaal. Maphosa het bygevoeg dat honderdduisende vuurwapeneienaars na ‘n uitspraak van die Konstitusionele Hof nie hul lisensies hernu het nie, wat daardie vuurwapens nou onwettig maak. Hy het die polisie gevra om eienaars wat nie hul lisensies hernu het nie op te spoor en te vervolg.

# Die burgerregtebeweging Not In My Name International sê die dood van die 17-jarige Cameron Waldeck-Cooks en die 19-jarige Ethan Coetzee werp weereens die kollig op geslagsgeweld en toksiese manlikheid. Voorlopige bevindinge dui daarop dat die graad 11-leerder aan die St Stithians Girls’ College in Johannesburg verwurg en versmoor is, terwyl Coetzee moontlik sy eie lewe geneem het. Hul liggame is Maandag in Sabie, Mpumalanga, gevind. Die beweging beklemtoon die behoefte aan groter gesprekke met mans en seuns oor emosionele welsyn, aanspreeklikheid en die voorkoming van geweld.

# Die vakbond Solidariteit sê werkers by Premier Foods het meer vrae as antwoorde oor die moontlike sluiting van die inmaakfabriek in Tulbagh in die Wes-Kaap. Gideon du Plessis van die vakbond vrees die eerste konsultasieproses wat deur die Kommissie vir Versoening, Bemiddeling en Arbitrasie gefasiliteer word, kan dalk slegs ‘n formaliteit wees, aangesien vrugteprodusente glo reeds meegedeel is dat geen vrugte meer aangekoop sal word nie:

# En rugby: Die All Blacks-kaptein Patrick Tuipulotu sê die Stormers het sy span se dissipline gisteraand op die Kaapstad-stadion getoets, waar die besoekers met 38 – 21 gewen het. Hy het die Stormers se sterk fisiese oorheersing in die eerste botsing van hul Suid-Afrikaanse toer geprys. Hoofafrigter Dave Rennie het ook frustrasie uitgespreek oor die span se gebrek aan afronding en dissipline. Hy sê die All Blacks het baie geleenthede geskep maar hul afronding was swak. Tuipulotu het bygevoeg dat hulle die ondersteuning van plaaslike ondersteuners waardeer:

Bly ingeskakel vir meer nuus……………….