# Vyf verdagtes is in Marapong naby Lephalale in Limpopo in hegtenis geneem vir die beweerde intimidasie van ‘n Nigeriese sake-eienaar en voordoening as amptenare van Binnelandse Sake. Polisiewoordvoerder Malesela Ledwaba sê aanvallers het die man gedreig dat sy onderneming vernietig gaan word, en geëis dat hy Suid-Afrika verlaat. Sy immigrasiedokumente is later as geldig bevestig. Ledwaba sê die verdagtes is tydens ‘n intelligensie-gedrewe operasie in hegtenis geneem en sal na verwagting aangekla word van intimidasie en die voordoen as amptenare.
Vyf aangehou na hulle hul voordoen as amptenare van Binnelandse Sake in Limpopo