# Die Franse president Emmanuel Macron sê 26 lande het beloof om sekuriteitswaarborge aan Oekraïne te verskaf in geval van ʼn skietstilstand. Dit sluit die ontplooiing van soldate op land, see en lug in. Talle Europese lande soos Duitsland, Spanje en Italië het egter tot dusver geweier om hulle tot die verskaffing van soldate te verbind. Macron sê Amerika se bydraes tot die waarborge word binnekort afgehandel. Rusland sê die sekuriteitswaarborge wat Oekraïne eis, is ʼn bedreiging vir die Europese vasteland en absoluut onaanvaarbaar.