Follow Us
News 18:00
Thu 18th Nov 2021
Rugby: Rassie, Saru gaan appelleer teen Wêreldrugby se optrede teen hulle
Fri 19th Nov 2021
Print Friendly, PDF & Email

NUUSFLITS NUUSAGENTSKAP 18 November 6 nm

Goeiemiddag,

In die bulletin:

# Die staat laat vaar die moordklag teen beskuldigdes in die Brendin Horner-saak
# Die DA sê die gemiddeld van 177 groepsgeregtigheid-aanvalle per jaar in die Wes-Kaap is te veel
# En ‘n 170 jaar oue winkel in Londen se Oxfordstraat sluit

# Die staat het die moordklagte laat vaar teen twee mans wat tereggestaan het vir die moord op die jong Vrystaatse plaasbestuurder, Brendin Horner. Sekola Matlaletsa en Sekwetje Mahlamba word nou slegs van die diefstal van twee skape aangekla. Die 21-jarige Horner is verlede Oktober vermoor op die plaas naby Senekal waar hy gewerk het. Die staat gee toe hy het gesukkel om sy saak te bewys sedert DNS-bewyse Matlaletsa en Mahlamba uitgesluit het van die moordtoneel en Horner se bakkie. Die saak is tot môre uitgestel wanneer uitspraak gelewer sal word.

# Die DA in die Wes-Kaap sê die voorkoms van groepsgeregtigheid mag nooit aanvaarbaar wees nie en die regsorde moet streng gehandhaaf word. ‘n DA-lid van die wetgewer, Reagen Allen, sê die antwoord op sy vraag in die wetgewer het aan die lig gebring daar is tussen April 2018 en Maart vanjaar jaarliks gemiddeld 177 groepsgeregtigheid-aanvalle in die provinsie aangeteken. Allen het bykomende vrae by die polisie ingedien via die LUR vir Gemeenskapsveiligheid, Albert Fritz, oor maatreëls wat ingestel is om groepsgeregtigheid hok te slaan:

Speel klankgreep: ENG ReagenAllenOnMobJustice

# Die Spesiale Ondersoekeenheid ondersoek ‘n Vrystaatse privaat hospitaal wat onwettig meer as 400-duisend-rand van die Covid-19 Tydelike Werkgewer-werknemer Verligtingsfonds geëis het. Die hospitaal het blykbaar die geld aan die Werkloosheidsversekeringsfonds terugbetaal, maar nie die eenheid daaroor in kennis gestel nie. Die SOE-woordvoerder, Kaizer Kganyago, sê hulle kan nie die instelling se naam bekend maak nie omdat die ondersoek nog aan die gang is.

# Olimpiese Spele: Die organiseerders van die Winterspele in Beijing het bevestig drie atlete wat aan oefengeleenthede deelneem, het positief getoets vir Covid-19. Die Chinese hoofstad is op hoë gereedheid voor die aanvang van die internasionale spoggeleentheid in Februarie. Toelating tot die stad word beperk en atlete is in ‘n bioborrel waar hulle daagliks getoets sal word. Twee atlete wat verlede week met hulle aankoms op die lughawe positief getoets het, is onder kwarantyn geplaas. ‘n Atleet wat in noue kontak met hulle was, het nou ook positief getoets vir die virus.

# Finansiële aanwysers: Die rand verhandel teen 15-rand-60-sent teen die dollar, 17-rand-69-sent teen die euro en 21-rand-1-sent teen die pond. Bitcoin verhandel teen 58-duisend-841-dollar-9-sent. Die prys van goud is een duisend-863-dollar-72-sent per fynons en die prys van Brent ruolie 80-dollar-74-sent per vat.

# En die hoofwinkel van ‘n Britse afdelingswinkelgroep wat reeds meer as 170 jaar lank sake doen, gaan sy deure in Oxfordstraat, Londen, sluit. House of Fraser is in 1849 in Glasgow, Skotland, gestig en het tans meer as 40 winkels in die Verenigde Koninkryk. Die eienaars het bevestig die winkel sal vroeg in Januarie sluit omdat die verhuurder weier om die huurkontrak te hernu en toestemming gekry het om die gesogte perseel te herontwikkel. Die maatskappy het nie bekend gemaak hoeveel werksverliese daar gaan wees nie.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away