Follow Us
Agt vasgetrek na hulle beplan om huisroof te pleeg
Wed 9th Feb 2022
News 18:00
Wed 9th Feb 2022
Print Friendly, PDF & Email

NUUSFLITS NUUSAGENTSKAP 9 Februarie 6 nm

Goeiemiddag,

In die bulletin:

# Kragonderbreking in Ekurhuleni beïnvloed weer Rand Water se toevoer aan Tshwane
# Handelsmisdaadhowe spog met meer as 90-persent se skuldigbevindings
# En krieket: Windies jaag 238 in tweede eendag-internasionaal teen Indië

# Daar is weer slegte nuus oor watervoorsiening in Tshwane. Die stad het bevestig daar is ‘n algehele kragtoevoeronderbreking by die Ekurhuleni-metro se substasie wat krag verskaf aan  Rand Water se pompstasie. Die stad se woordvoerder, Sipho Stuurman, sê tegnici is tans op die perseel en werk daaraan om die elektriese fout te herstel wat aan kabeldiefstal toegeskryf word:

Speel klankgreep: ENG Rand water

Stuurman sê die tydperk van die herstelwerk is nie bevestig nie:

Speel klankgreep: ENG Rand Water 2

# Die premier van die Wes-Kaap, Alan Winde, sê hy hoop president Cyril Ramaphosa sal môre dringende kwessies in sy staatsrede aanspreek. Winde sê dit is nou die tyd om die nasionale ramptoestand te beëindig en die land se reaksie op die pandemie te normaliseer. Hy stel ook voor die president kondig ‘n duidelike strategie aan oor die beperkings op polisie-hulpbronne. As dit kom by plaaslike kwessies, sou Winde graag wou sien dat Metrorail se sentrale spoorlyn herstel word en die ondoeltreffendheid van die Kaapstadse hawe aandag kry.

# Die Departement van Justisie en Grondwetlike Ontwikkeling sê Handelsmisdaadhowe het tot dusver ‘n 92-persent skuldigbevindingsyfer behaal met afgehandelde uitsprake. Die minister van Justisie, Ronald Lamola, sê die howe is ‘n deurslaggewende meganisme om te verseker ingewikkelde handelsmisdade word doeltreffend vervolg in toegewyde howe. Die ministeriële woordvoerder, Chrispin Phiri, sê die howe laat ook toe vir geregtigheid om doeltreffend te geskied. Die howe is gestig en ander is verbeter ná president Cyril Ramaphosa se verbintenis om stygende ernstige handelsmisdade en Covid-19-korrupsie te beveg.

# Die Britse eerste minister, Boris Johnson, sê alle oorblywende Covid-19-beperkings in die land kan moontlik binne die volgende paar weke opgehef word – ‘n maand vroeër as wat beplan is. Hy het dié onverwagte aankondiging gedoen tydens ‘n vrae-sessie in die Laerhuis. Johnson sê hy hoop om sy regering se strategie voor te lê oor hoe om met die koronavirus saam te leef, wanneer parlementslede op die 21ste terugkeer ná die halftermynreses. Dit sal insluit die huidige regsvereiste vir self-isolering vir mense wat positief toets.

# Krieket: Indië het 237 vir nege aangeteken in die tweede eendag-internasionaal teen die Wes-Indiese Eilande in Ahmedabad. Die besoekers het gekies om veldwerk te doen toe kaptein Nicholas Pooran die loot gewen het in die dag/aandwedstryd. Suryakumar Yadav het die meeste lopies aangeteken vir die besoekers met 64 en KL Rahul het 49 bygedra. Alzarri Joseph en Odean Smith het beide twee paaltjies laat kantel. Indië het die eerste van die drie eendag-wedstryde gewen en die laaste een sal Vrydag op dieselfde veld gespeel word. Drie T20s sal daarop volg.

# En ten slotte: Finansiële aanwysers: Die rand verhandel teen 15-rand-33-sent teen die dollar, 17-rand-53-sent teen die euro en 20-rand-79-sent teen die pond. Bitcoin verhandel teen 44-duisend-232-dollar-60-sent. Die prys van goud is een duisend-830-dollar-1-sent per fynons en die prys van Brent ruolie 91-dollar-15-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away