Follow Us
Pretoria-Sentraal-polisie waarsku inwoners teen oortreding van die aandklokreël
Tue 23rd Nov 2021
News 17:00
Tue 23rd Nov 2021
Print Friendly, PDF & Email

NUUSFLITS NUUSAGENTSKAP 23 November 5 nm

Goeiemiddag,

In die bulletin:

# Mashaba verduidelik waarom hy onttrek aan die stryd om Johannesburg se burgemeester te word
# ‘n Voormalige Vrystaatse LUR kry ‘n opgeskorte vonnis vir strafbare manslag
# En die wêreld se voorste tennisspeler Ash Barty, gee haar jare lange kêrel die jawoord

# ActionSA se leier, Herman Mashaba, sê hy het gekies om aan die burgemeester-stryd in Johannesburg te onttrek om seker te maak die ANC regeer nie die metro nie. Mashaba sê ActionSA en ander kleiner partye moes óf vir die DA stem óf die mag aan die ANC teruggee. Hy sê ActionSA en ander politieke partye het gekies om die DA-kandidate te ondersteun al het hulle die naweek aan die voorgestelde koalisie onttrek. Die DA-kandidaat, Mpho Phalatse, is gister as Johannesburg se nuwe burgemeester verkies.

# Die voormalige Vrystaatse LUR vir Polisie, Paaie en Vervoer, Butana Komphela, is skuldig bevind aan strafbare manslag en is ‘n opgeskorte vonnis opgelê. Die Landdroshof in Brandfort het bevind hy is verantwoordelik vir ‘n botsing in 2019 waarin Samuel Manyova gesterf het. Die Nasionale Vervolgingsgesag se woordvoerder, Phaladi Shuping, sê ‘n kundige het bewys Komphela het ongeveer 150-kilometer per uur in ‘n 80-kilometer-sone gery toe hy in die aankomende verkeer ingeswaai het. Komphela se drie-jaar vonnis is in geheel opgeskort.

# Die internet- en mediareus, Naspers, het ‘n sterk vertoning gelewer in die ses maande tot 30 September, waartydens e-handelsinkomste met 52-persent gegroei het. Die onderneming sê in ‘n verklaring die groep het sy beleggings verhoog om groei verder te versnel in sy toenemend waardevolle internetondernemings. E-handel inkomstegroei het versnel met die e-handel portefeulje se waardasie wat skerp gestyg het. Naspers se handelswins het met 9-persent tot by 45-miljard-rand gegroei, en wesensverdienste per aandeel het met 11-persent gegroei.

# Byna 50 mense, waaronder minstens 12 kinders, is dood toe ‘n bus vanoggend in Bulgarye aan die brand geslaan het. Die voorval het in ‘n dorp wes van die hoofstad, Sofia, plaasgevind. Sewe mense het die tragedie oorleef toe hulle uit die brandende bus gespring het. Owerhede kon nog nie vasstel of die bus eers gebrand en toe gebots het, of ná die botsing in vlamme uitgebars het nie. Volgens Sky News was die meeste slagoffers van Masedonië en op pad terug huis toe van Turkye af.

# Tennis: Die wêreld se nommer een-vrouespeler, Ash Barty, het ‘n briljante jaar op die tennisbaan afgesluit met die nuus van haar verlowing. Sy het haar jare lange kêrel, Garry Kissick, die jawoord gegee. Die 25-jarige Australiër het die nuus op Instagram bekend gemaak. Die paartjie het in 2016 ontmoet en hy was langs die baan toe Barty vroeër vanjaar haar kinderdroom verwesenlik het deur Wimbledon te wen. Sy het in 2019 ook die Franse Ope gewen en slegs die vyfde vrou geword wat drie agtereenvolgende seisoene in die topposisie kon bly.

# Finansiële aanwysers: Die rand verhandel teen 15-rand-89-sent teen die dollar, 17-rand-89-sent teen die euro en 21-rand-23-sent teen die pond. Bitcoin verhandel teen 56-duisend-721-dollar-1-sent. Die prys van goud is een duisend-788-dollar-2-sent per fynons en die prys van Brent ruolie 80-dollar-10-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away