Follow Us
One person dies as wall collapses in Durban
Mon 22nd Nov 2021
BTB Coming up Tuesday 23 November: Black Friday shopping – a chance to pick up bargains or a trap leading to debt?
Mon 22nd Nov 2021
Print Friendly, PDF & Email

NUUSFLITS NUUSAGENTSKAP 22 November 5 nm

Goeiemiddag,

In die bulletin:

# ‘n DA-raadslid word verkies tot speaker van Ekurhuleni
# Oos-Kaapse damme het minder as 50-persent water in
# En die wêreld se toptien-rugbyranglys het taamlik verander na die naweek

# Raymond Dhlamini van die DA is verkies tot speaker van die Ekurhuleni-metro aan die Gautengse Oos-Rand. Uit die 222 stemme wat uitgebring is, was twee bederf en die ander 220 is geldig verklaar. Dhlamini het 116 stemme op hom verenig en Dora Mlambo van die ANC 104. Dhlamini is die eerste man in die posisie.

Intussen sê die DA agt kleiner partye in Nelson Mandelabaai het dié Oos-Kaapse stad aan die ANC teruggegee. Hierdie partye het ‘n koalisie met die ANC gevorm en Eugene Johnson van die party as nuwe burgemeester verkies. Hy het met net een stem gewen. Die voormalige DA-burgemeester, Nqaba Bhanga, het die ACDP en die Vryheidsfront Plus bedank vir hulle toewyding om goeie regering te steun en die ANC te verwerp. Die DA en hierdie partye sal nou hulle plek in die opposisiebanke inneem.

# Oos-Kaapse munisipaliteite word steeds deur die droogte geraak en damvlakke is laer as 50-persent. Nelson Mandelabaai word die swaarste getref. Sputnik Ratau van die Departement van Water en Sanitasie sê die Algoa-waternetwerk wat die metro van water voorsien, het gemiddeld 11,7-persent water. Hy sê die situasie in die provinsie word vererger deur klimaatsverandering en die langtermyn-uitwerking van die El Niño-weerverskynsel.

# Die Departement van Gesondheid in Kenia het aangekondig Keniane sal vanaf 21 Desember verbied word om gebruik te maak van openbare vervoer en regeringsgeboue indien hul nie ten volle teen Covid-19 ingeënt is nie. Die minister van Gesondheid, Mutahi Kagwe, sê die verbod sal van toepassing wees op hospitaal- en gevangenisbesoeke, regeringsgeboue vir onderwys, immigrasie- en belastingdoeleindes, busse, taxi’s, treine en binnelandse vlugte. Daar is slegs 6,4-miljoen inentings in Kenia toegedien, wat minder as 10-persent van die bevolking is.

# Rugby: Die wêreld se toptien-ranglys het taamlik verander na die naweek se laaste ronde internasionale wedstryde. Suid-Afrika is steeds boaan die lys ten spyte van sy een-punt-nederlaag teen Engeland, wat in die derde plek bly. Die All Blacks eindig die seisoen in die tweede plek, ten spyte van hulle nederlaag teen Frankryk. Dié land het van die sesde na die vyfde posisie gevorder en vervang Australië wat teen Wallis verloor het. Ierland is steeds vierde en Skotland sewende. Wallis het een plek opgeskuif en is nou agste terwyl Argentinië afskuif na nommer nege. Japan is steeds in die tiende plek.

# Finansiële aanwysers: Die rand verhandel teen 15-rand-73-sent teen die dollar, 17-rand-75-sent teen die euro en 21-rand-15-sent teen die pond. Bitcoin verhandel teen 58-duisend-928-dollar-6-sent. Die prys van goud is een duisend-838-dollar-51-sent per fynons en die prys van Brent ruolie 78-dollar-82-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away