Follow Us
Meer as vier-duisend Covid-19-inentings is gister in Gauteng toegedien
Thu 18th Nov 2021
DA says average of 177 mob attacks per year in the Western Cape too much [SOUND]
Thu 18th Nov 2021
Print Friendly, PDF & Email

NUUSFLITS NUUSAGENTSKAP 18 November 5 nm

Goeiemiddag,

In die bulletin:

# Die terugkoopkoers word met ‘n kwart-persent verhoog
# Spanne word uitgestuur om ‘n oliestorting in Algoabaai te bekamp
# En ‘n derde atleet toets positief vir Covid-19 in aanloop tot die Beijing Winterspele

# Die president van die Reserwebank, Lestja, Kganyago, het ‘n verhoging in die terugkoopkoers aangekondig. Die sentrale bank se monetêre beleidskomitee het besluit om die koers met ‘n kwart-persent tot 3,75-persent te verhoog. Dit tree môre in werking. Die koers het sedert Julie verlede jaar bestendig gebly. Kganyago sê die verhoging is te wyte aan ‘n styging inflasie-risiko’s:

Speel klankgreep: ENG-Reporate2

# Die voormalige Gautengse eiendomsbestuurder, Jason Rohde, moet binne twee dae begin om sy 15-jaar vonnis weens die moord op sy vrou uit te dien. Die Hooggeregshof in Kaapstad het vandag sy aansoek om die verlenging van sy borgtog van die hand gewys hangende sy appèlaansoek in die Konstitusionele Hof. Rohde het sy vrou, Susan, in 2016 in hul hotelkamer in die Kaapse Wynlande vermoor. Die Hooggeregshof het hom beveel om voor 11-uur Saterdagoggend aan te meld by ‘n korrektiewe sentrum, maar sy regspan sê hulle beplan om te appelleer.

# Die Suid-Afrikaanse Maritieme Veiligheidsowerheid in die Oos-Kaap het spanne uitgestuur om te help om ‘n oliestorting in Algoabaai te bekamp. Die storting het plaasgevind toe ‘n vaartuig brandstof ter see ingeneem en die brandstof oorgeloop het. Sowat 80 liter swaar brandstofolie is vermoedelik in die see gestort. Die vaartuig is gehok en spanne het begin opruim. SAMSA het bevestig die voorval word ondersoek.

# Olimpiese Spele: Die organiseerders van die Winterspele in Beijing het bevestig drie atlete wat aan oefengeleenthede deelneem, het positief getoets vir Covid-19. Die Chinese hoofstad is op hoë gereedheid voor die aanvang van die internasionale spoggeleentheid in Februarie. Toelating tot die stad word beperk en atlete is in ‘n bioborrel waar hulle daagliks getoets sal word. Twee atlete wat verlede week met hulle aankoms op die lughawe positief getoets het, is onder kwarantyn geplaas. ‘n Atleet wat in noue kontak met hulle was, het nou ook positief getoets vir die virus.

# Finansiële aanwysers: Die rand verhandel teen 15-rand-68-sent teen die dollar, 17-rand-78-sent teen die euro en 21-rand-12-sent teen die pond. Bitcoin verhandel teen 59-duisend-284-dollar-9-sent. Die prys van goud is een duisend-862-dollar-4-sent per fynons en die prys van Brent ruolie 80-dollar-56-sent per vat.

# En ‘n inwoner van Khayelitsha, Kaapstad, het 25-jaar gelede gesien sy bure weet nie hoe om vir hul troeteldiere te sorg nie. Joe Manchu het vinnig planne beraam en skenkings gelok om hierdie gaping te vul. ‘n Skeepshouer was een van die skenkings en het die eerste dierekliniek ooit in die omgewing geword. Die Mdzananda Dierekliniek vier dié week ‘n kwarteeu van hulp aan troeteldiere, ook om hulle te genees en te red. Die woordvoerder, Marcele du Plessis, sê die kliniek het ten doel om ‘n gemeenskap te skep wat lief is vir diere:

Speel klankgreep: ENG MarceleDuPlessisOnClinic

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Available
WeCreativez WhatsApp Support
Technical Support
Tekkie
Available
WeCreativez WhatsApp Support
Editor on duty
Mariana Vos
Away