Follow Us
Limpopo migreer van analoog na digitale televisie
Tue 8th Feb 2022
News 17:00
Tue 8th Feb 2022
Print Friendly, PDF & Email

NUUSFLITS NUUSAGENTSKAP 8 Februarie 5 nm

Goeiemiddag,

In die bulletin:

# Die voormalige munisipale amptenare wat betrek word by die VBS-skandaal kry borgtog van dertig-duisend-rand
# Tiger Brands beloof om die listeriose-saak op te los
# En staatslykhuis-statistiek toon vuurwapens word in die meeste moorde gebruik

# Twee voormalige amptenare van ‘n munisipaliteit van Limpopo is borgtog van 30-duisend-rand elk toegestaan in die Landdroshof in Thohoyandou toe hul verskyn het in verband met die VBS Mutual Bank-skandaal. Die voormalige burgemeester van Thulamela, Avhashoni Tshifhango, en die voormalige munisipale bestuurder, Hlegani Emmanuel Maluleke, word daarvan beskuldig dat hulle 30-miljoen-rand van die munisipaliteit se fondse onwettig in VBS Mutual Bank deponeer het. ‘n Woordvoerder van die Vervolgingsgesag in die provinsie, Mashudu Malabi-Dzhangi, sê die saak is na die Handelsmisdaadhof in Polokwane oorgeplaas. Die twee verskyn weer op die 24ste Mei.

# Tiger Brands sê hy het hom daartoe verbind om die listeriose-saak so gou moontlik op te los. Dit volg nadat die Appèlhof beslis het die groepsgeding behoort te fokus op diegene wat geraak is nadat hulle produkte met die bakterie geëet het wat in die maatskappy se aanleg in Polokwane verwerk is. ‘n Verslag deur die Nasionale Instituut vir Oordraagbare Siektes het in 2018 beslis die ST6-stam van die bakterie het gelei tot die uitbreking wat meer as 200 sterftes veroorsaak het.

# ‘n Kriminoloog by die Universiteit van Stellenbosch, Guy Lamb, sê die regering en die polisie moet beter maniere en keuses ondersoek en nastreef om die toename en toeganklikheid van onwettige vuurwapens te stuit. Lamb sê volgens statistiek vanaf staatslykhuise is die meerderheid sterftes wat aangemeld is, wapenverwante moorde. Lamb sê die regering moet vuurwapenbeheer-wetgewing verbeter om te verhoed dat wettige vuurwapens verder in die hande van misdadigers beland.

# Die menseregte-organisasie AfriForum is bekommerd oor die mynmaatskappy Manzolwandle-beleggings se plan en aansoek om steenkool te ontgin in ‘n gebied van sowat 87-duisend hektaar naby Komatipoort en die Kruger-wildtuin. ‘n Woordvoerder, Lambert de Klerk, sê die organisasie is besig om ‘n hofaansoek teen die regering aangaande mynbedrywighede op te stel, en het hierdie maatskappy by die lys gevoeg. Die Klerk sê mynbou sal geweldig nadelige en vernietigende gevolge vir die onmiddellike omgewing hê:

Speel klankgreep: AFR LambertOORKrugerMyn

# Krieket: Australië se vrouespan het met gemak die eendag-reeks om die As teen Engeland 3-0 beklink met ‘n agt-paaltjie-oorwinning in die derde en laaste wedstryd in Melbourne. Die besoekers is uitgeboul vir net 163 in hulle laaste boulbeurt. Tammy Beaumont het die hoogste telling van 50 aangeteken en Nat Sciver het 46 bygedra. Annabel Sutherland het vier paaltjies laat kantel. Die gasvroue het hulle teiken in die 37ste boulbeurt verbygesteek met die verlies van net twee paaltjies. Kaptein Meg Lanning het ‘n onoorwonne 57 aangeteken en Alyssa Healy 42.

# En die finansiële aanwysers: Die rand verhandel teen 15-rand-44-sent teen die dollar, 17-rand-62-sent teen die euro en 20-rand-89-sent teen die pond. Bitcoin verhandel teen 43-duisend-546-dollar-60-sent. Die prys van goud is een duisend-822-dollar-63-sent per fynons en die prys van Brent ruolie 90-dollar-99-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away