Follow Us
Minister van polisie sê alle kontakverwante misdade het toegeneem [KLANK]
Fri 19th Nov 2021
News 16:00
Fri 19th Nov 2021
Print Friendly, PDF & Email

NUUSFLITS NUUSAGENTSKAP 19 November 4 nm

Goeiemiddag,

In die bulletin:

# Meer as negeduisend mense is tussen Julie en September in Suid-Afrika verkrag
# Prasa se hoof word geskors
# En ‘n Afrikaanse kunstenaar se aansteeklike deuntjie op TikTok help om appels aan die jeug te verkoop

# Die minister van Polisie, Bheki Cele, sê negeduisend-556 mense is tussen Julie en September vanjaar in Suid-Afrika verkrag. Dit is ‘n toename van 634 gevalle of 7,1-persent teenoor die vorige verslagperiode. Uit ‘n steekproef van sesduisend-144 verkragtingsgevalle het drieduisend-951 by die slagoffer of verkragter se huis plaasgevind. Cele sê drank en dwelms het ‘n groot rol gespeel in eenduisend-383 van die gevalle:

Speel klankgreep: ENGBhekiCeletwo

Intussen sê die Pietermaritzburgse Sakekamer dit gaan ondernemings jare neem om te herstel ná die skade wat die onrus in Julie in KwaZulu-Natal veroorsaak het. Die uitvoerende hoof, Melanie Veness, het dit onthul tydens die Suid-Afrikaanse Menseregtekommissie se verhore oor die onrus. Sy is van mening die plundering is beplan en die polisie se afwesigheid was deel daarvan:

Speel klankgreep: ENG Melanie 

Adjunkpresident David Mabuza sê die verslag oor die onrus en plundering sal binnekort beskikbaar gemaak word.

# Die Passasierspooragentskap van Suid-Afrika het bevestig sy groepshoof, Zolani Matthews, is geskors. Prasa sê dit hou verband met ‘n beweerde sekerheidsbreuk en ander kontraktuele verpligtings wat met sy indiensnemingskontrak verband hou. Die raad sê die organisasie se bedrywighede sal nie benadeel word nie en ‘n waarnemende uitvoerende hoof sal binnekort aangewys word.

# Die 23-malige Grand Slam-kampioen Serena Williams het ook haar stem gevoeg by diegene wat ‘n ondersoek aanvra na waar die Chinese speler Peng Shuai haar bevind. Die 35-jarige is nog nie in die openbaar gesien of van gehoor sedert sy vroeër die maand op plaaslike sosiale media beweer het ‘n gewese visepresident van die land het haar seksueel aangerand nie. Williams hoop Peng is veilig en word so gou moontlik gevind. Die hoof van die WTA, Steve Simon, sê hy het herhaaldelik probeer om Peng in die hande te kry, maar tevergeefs. Sy het twee Grand Slam-dubbelstitels ingepalm.

# Finansiële aanwysers: Die rand verhandel teen 15-rand-72-sent teen die dollar, 17-rand-74-sent teen die euro en 21-rand-13-sent teen die pond. Bitcoin verhandel teen 57-duisend-238-dollar-8-sent. Die prys van goud is een duisend-862-dollar-36-sent per fynons en die prys van Brent ruolie 78-dollar-38-sent per vat.

# En Suid-Afrika se grootste uitvoerder van appels en pere, die Wes-Kaapse maatskappy Tru-Cape, het vanjaar 2,1-miljoen verbruikers bereik deur sosiale media soos TikTok. Dit word toegeskryf aan ‘n bemarkingspoging om jong verbruikers te lok. Die besturende direkteur, Roelf Pienaar, sê dit het baie te doen gehad met die liedjie “Take-aways from nature” wat deur Gian Groen geskryf en deur Sunset Sweatshop uitgevoer is. Die maatskappy het ‘n rekordjaar beleef en byna 18-miljoen kartonne appels en pere uitgevoer. ‘n Kwart van Tru-Cape se appelverkope is Golden Delicious, en 80-persent van hierdie appels word in Afrika verkoop.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away