Follow Us
NuusFlits: Terugkoopkoers word met ‘n kwart-persent verhoog
Thu 18th Nov 2021
News 16:00
Thu 18th Nov 2021
Print Friendly, PDF & Email

NUUSFLITS NUUSAGENTSKAP 18 November 4 nm

Goeiemiddag,

In die bulletin:

# Die terugkoop-koers word verhoog
# Die aktrise Lizz Meiring staan aan die spits van ‘n veldtog om boere te help
# En ‘n ikoniese Johannesburgse fietsresies kan vanjaar weer toeskouers verwelkom

# Die president van die Reserwebank, Lesetja Kganyago, het ‘n verhoging in die terugkoopkoers aangekondig. Die sentrale bank se monetêre beleidskomitee het besluit om die koers met ‘n kwart-persent tot 3,75-persent te verhoog. Dit tree môre in werking. Die koers het sedert Julie verlede jaar bestendig gebly. Kganyago sê die verhoging is te wyte aan stygende inflasie-risiko’s.

# Die DA in Gauteng sê chirurgie by nege openbare hospitale is vanjaar ontwrig weens ‘n tekort aan linne. Die LUR vir Gesondheid, Nomathemba Mokgethi, het skriftelik geantwoord op die DA se vrae in die wetgewer. Die Verre Oos-Randse-, Leratong-, Mamelodi-, Sebokeng-, Jubilee, Chris Hani Baragwanath-, Charlotte Maxeke Johannesburg-, George Mukhari- en Helen Joseph-hospitaal is geraak. Die DA-lid Jack Bloom sê Mamelodi in Tshwane is die ergste geraak aangesien sowat 200 operasies afgestel moes word as gevolg van ‘n linne-tekort van twee weke:

Speel klankgreep: ENGJackBloom 

# Die aktrise Lizz Meiring staan aan die spits van ‘n nuwe veldtog om dit moontlik te maak om in Januarie drie-duisend ton dierevoer aan boere te voorsien. Sy reël die Reën-veldtog saam met die organisasie We Are South Africans en hulle maatskappy sonder winsbejag. Meiring se idee is dat plaaswinkels 50-rand van hulle daaglikse wins vir die projek skenk. Sy het Suid-Afrikaners aangemoedig om tydens die feestyd by die winkels te koop en so landbougebiede te help. Die bekende prediker Angus Buchan steun ook die projek:

Speel klankgreep: ENG AngusBuchanProject

​# Fietsry: Toeskouers word weer toegelaat by Sondag se 25ste aanbieding van die jaarlikse 947 Ride Joburg-padwedren. Meer as 10-duisend fietsryers sal hulle uithouvermoë toets op ‘n effens verbeterde en uitdagende roete van 97-kilometer. Die wedren begin en eindig by die Calabash in Nasrec. Die Stad Johannesburg sê die toonaangewende geleentheid bied ‘n eiesoortige ervaring vir deelnemers en toeskouers. Vanjaar se aanbieding is die eerste van sy soort wat tydens ‘n Covid-19-inperking gehou word.

# Finansiële aanwysers: Die rand verhandel teen 15-rand-62-sent teen die dollar, 17-rand-73-sent teen die euro en 21-rand-7-sent teen die pond. Bitcoin verhandel teen 59-duisend-182-dollar-8-sent. Die prys van goud is een duisend-866-dollar-6-sent per fynons en die prys van Brent ruolie 80-dollar-13-sent per vat.

# En president Cyril Ramaphosa het die Nasionale Orde-toekennings vandag uitgedeel by die Sefako Makgatho presidensiële gastehuis in Pretoria. Die Nasionale Ordes is die hoogste toekennings wat aan Suid-Afrikaanse burgers en gesiene buitelanders toegeken word. Die afgetrede regter van die Konstitusionele Hof, Edwin Cameron, het goud gekry in die Kremetart-kategorie. Ladysmith Black Mambazo se stigter, wyle Joseph Tshabalala, is postuum vereer met goud in die kategorie, Ikhamanaga. Ramaphosa sê sommige van die nasionale ordes wat toegeken is, is dié van Mendi vir dapperheid, Ikhamaga, Kremetart, Luthuli en Companions of OR Tambo:

Speel klankgreep: ENG Ramaphosa

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Available
WeCreativez WhatsApp Support
Technical Support
Tekkie
Available
WeCreativez WhatsApp Support
Editor on duty
Mariana Vos
Away