Follow Us
Europese Unie gaan sanksies teen Belarus verskerp
Mon 15th Nov 2021
News 16:00
Mon 15th Nov 2021
Print Friendly, PDF & Email

NUUSFLITS NUUSAGENTSKAP 15 November 4 nm

Goeiemiddag,

In die bulletin:

# SACCAWU beplan landwye versetoptrede oor arbeidsgeskille
# ‘n Arbeidskenner sê salarisverhogings in die landbousektor kan tot nog werksverliese lei
# En Usain Bolt glo hy kon wen by vanjaar se Olimpiese Spele

# Die vakbond Saccawu gaan môre by SACCAWU Huis in Braamfontein die aanvangsdatum van hul onbepaalde nasionale versetoptrede bekend maak. Die versetoptrede hou verband met salarisse en eensydige veranderings aan werksomstandighede. SACCAWU se lede verteenwoordig 229 kleinhandelafsetpunte landwyd, insluitend die Massmart Groep wat Makro, Game, Makro-Fruitspot, Massbuild, en ander afsetpunte insluit. Dit volg nadat koördineerders van werkerverteenwoordigers gister ‘n nasionale vergadering gehou het.

# Dit is nie ekonomies haalbaar om ongeskoolde plaaswerkers in die waardeketting te hou nie weens die aanvraag na spesifieke vaardighede en die dubbelsyfer-loonverhogings wat vroeër vanjaar ingestel is. Dit is die mening van Agri SA se arbeid- en indiensneming-regspesialis, Lebogang Sethusha. Sy waarsku dat verdere verhogings in die salarisse van plaaswerkers volgende jaar tot nóg werksverliese kan lei en intree-werksgeleenthede kan belemmer. Sethusha sê daar was in die eerste kwartaal van vanjaar sowat 792-duisend werkers in dié sektor in diens teenoor 810-duisend in die vierde kwartaal verlede jaar.

# Die vorming van koalisieregerings op munisipale vlak duur voort terwyl politieke partye spook om betyds klaar te kry. Volgens wet het die partye 14-dae tyd om koalisies te vorm ná die verkiesingsuitslae bevestig is. Daar is geen volstrekte wenner in vyf metro’s en in verskeie ander munisipaliteite nie. Die verkiesingspesialis Terry Tselane van die Instituut vir Verkiesingsbestuursdienste in Suid-Afrika, verduidelik in ‘n onderhoud met eNCA, wat die proses behels:

Speel klankgreep: ENG Coalition deadline

Tselane sê versoeke om die verkiesing oor te doen is nie die oplossing nie:

Speel klankgreep: ENG Bi-elections

# China beleef tans volgens statistiek wat vandag bekend gemaak is die grootste Covid-19-uitbreking van die Delta-variant. Die Financial Times berig Chinese owerhede sê 32 nuwe bevestigde gevalle wat plaaslik oorgedra is, is gister aangemeld en die meeste hiervan was in die noord-oostelike stad, Dalian. Teen gister is 98-duisend-315 bevestigde gevalle in die Chinese vasteland aangemeld, wat binnelands en van oorsee oorgedra is. Daar is altesaam vierduisend-636 sterftes aangeteken.

# Atletiek: Usain Bolt sê dit was frustrerend om na die 100-meter by vanjaar se Olimpiese Spele in Japan te kyk, omdat hy glo hy kon die wedloop gewen het. Die wêreld se vinnigste man het ná die Rio Spele uitgetree en moes by sy huis in Jamaika toekyk hoe die Italianer Lamont Jacobs die Olimpiese wedloop inpalm. Bolt het agt goue Olimpiese medaljes gewen en behou steeds die wêreldrekords in beide die 100- en die 200-meter. Hy het by ‘n byeenkoms in Dubai gesê nie een van die huidige atlete lyk of hulle sy tye sal verbeter nie.

# Finansiële aanwysers: Die rand verhandel teen 15-rand-18-sent teen die dollar, 17-rand-39-sent teen die euro en 20-rand-39-sent teen die pond. Bitcoin verhandel teen 65-duisend-815-dollar-3-sent. Die prys van goud is een duisend-861-dollar-41-sent per fynons en die prys van Brent ruolie 80-dollar-93-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away