Follow Us
Minister Nkosazana Dlamini-Zuma calls for caution amid flooding
Tue 18th Jan 2022
News 15:00
Tue 18th Jan 2022
Print Friendly, PDF & Email

NUUSFLITS NUUSAGENTSKAP 18 Januarie 3 nm

Goeiemiddag,

In die bulletin:

# Die Department van Basiese Onderwys moedig matrieks aan om op sy webtuiste te registreer om hul uitslae te kry
# Umalusi prys die Departement van Basiese Onderwys vir ‘n suksesvolle eksamen
# En Owen Farrell gaan Engeland se kaptein wees vir die Sesnasies-rugbytoernooi

# Die Departement van Basiese Onderwys moedig matrieks aan om op sy webtuiste te registreer om hul uitslae te sien sodra dit beskikbaar is. Dit volg nadat die Noord-Gautengse Hooggeregshof in Pretoria beslis het het dat uitslae ook in die media gepubliseer mag word. Die woordvoerder van die department, Terence Khala, sê dit sal die uitslae beskikbaar stel aan belanghebbendes wat toegang gevra het:

Speel klankgreep: ENGTerenceKhala

# Die voorsitter van die Umalusi-raad, John Volmink, het die Departement van Basiese Onderwys geprys vir die uitvoer van ‘n suksesvolle 2021 Nasionale Senior Sertifikaat-eksamen. Volgens Volmink is altesaam 67 vakke vir standaardisering aangebied. Rou punte is vir 35 van die 67 vakke aanvaar, wat beteken 52-persent van die algehele getal vakke bly onveranderd. Volmink is tevrede met die verloop van die eksamen:

Speel klankgreep: ENG JohnVolmink

# Die regsgesinde ekstremis Anders Behring Breivik het vandag in ‘n hof in Noorweë om parool aansoek gedoen. Dis slegs tien jaar nadat hy 77 mense in dié land vermoor het. AFP berig die 42-jarige Breivik se verhoor word weens veiligheidsredes in die gimnasium van die tronk waar hy aangehou word, gehou. Hy het die Nazi-saluut gegee toe die drie regters ingestap het. Die families van die slagoffers vrees Breivik gaan die drie dae van sy verhoor gebruik om sy politieke sienings te verkondig. Die verhoor word regstreeks uitgesaai.

# Rugby: Owen Farrell is die kaptein vir Engeland in die komende Sesnasies-kampioenskap nadat afrigter, Eddie Jones, vandag sy 36-tal aangekondig het. Die 30-jarige veteraan met 100 toetse agter sy naam, is van die veld af vandat hy in November ‘n enkelbesering opgedoen het in ‘n toets teen Australië op Twickenham. Courtney Lawes het ingestaan as kaptein in verlede November se 27-26 sege oor die Springbokke. Marcus Smith sal op losskakel vir Engeland begin in hul Sesnasies-openingswedstryd in Skotland op 5 Februarie, dus kan Farrell as senter ingespan word.

# Finansiële aanwysers: Die rand verhandel teen 15-rand-45-sent teen die dollar, 17-rand-60-sent teen die euro en 21-rand-05-sent teen die pond. Bitcoin verhandel teen 41-duisend-750-dollar-01-sent. Die prys van goud is een duisend-810-dollar-47-sent per fynons en die prys van Brent ruolie 87-dollar-50-sent per vat.

# En laastens: Statistiek Suid-Afrika sê ‘n sensusopname van inwoners en huise, Sensus 2022, word van 2 Februarie af gedoen. Dit sal die vierde keer sedert 1994 wees wat dit gedoen word. ‘n Woordvoerder sê die opname sal inligting inwin oor lewensomstandighede, toegang tot basiese geriewe en inkomste. Dit sal dan gebruik word vir beplanning, monitering en evaluering. Hy moedig Suid-Afrikaners aan om hul huishoudings op Statistiek Suid-Afrika se webtuiste te registreer. Meer inligting kan gekry word by www.census.statssa.gov.za.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Available
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Available
WeCreativez WhatsApp Support
Editor on duty
Mariana Vos
Available