Follow Us
Distressed Free State municipalities to be placed under provincial care
Wed 24th Nov 2021
News 15:00
Wed 24th Nov 2021
Print Friendly, PDF & Email

NUUSFLITS NUUSAGENTSKAP 24 November 3 nm

Goeiemiddag,

In die bulletin:

# Absa dank Pityana af as direksielid
# Die DA versoek die Openbare Beskermer om nog ‘n Magashule-projek te ondersoek
# En die Bulls se losvoorspeler Arno Botha sien uit na Saterdag se kragmeting teen sy ou spanmaats

# Sipho Pityana is afgedank as direkteur van Absa en dis onmiddellik van krag. Die raad het Pityana gister ondervra oor bewerings dat hy sy werk as direkteur verwaarloos het en nie in Absa se beste belang opgetree het nie. Die bank het bevind sy najaag van persoonlike belange ten koste van Absa het volgehoue en onherstelbare konflik veroorsaak. Pityana neem volgens berigte die Omsigtigheidsowerheid hof toe oor bewerings dat hulle sy aanstelling as Absa-voorsitter gekeer het.

# Die DA in die Vrystaat doen ‘n beroep op die Openbare Beskermer, Busisiwe Mkhwebane, om ‘n mislukte bouprojek van 18-miljoen-rand te ondersoek waarby die voormalige premier, Ace Magashule, betrokke was. Die party sê hy het in 2018 bekend gemaak ‘n skool sal by Vogelfontein in Bethlehem gebou word. Die DA-lid Roy Jankielsohn sê die skool is een van nege projekte waaraan bouwerk in die 2018/19-boekjaar moes begin het:

Speel klankgreep: ENG MagashuleProject

# Verhoogde voedselproduksie is nie die enigste faktor wat kan help om voedselonsekerheid te bekamp nie. Dit is die belangrikste boodskap by die 2021 wêreldwye voedselsekerheids-aanwyser-besprekings wat AgriSA in vennootskap met die Verenigde State se Departement van Landbou gehou het. Die aanwyser kyk na voedselsekerheid in 113 lande met 58 unieke aanwysers in ag genome. Dit plaas Suid-Afrika 70ste uit 113 lande wat voedselsekerheid betref. Die geleentheid se gasvrou, die redakteur van Farmer’s Weekly, Denene Erasmus, sê voedselsekerheid gaan verder as voedselbeskikbaarheid.

# Rugby: Die Bulls se losvoorspeler, Arno Botha, het waarskynlik goeie herinneringe aan sy gewese klub, Munster, en sal graag weer ou vriende wil ontmoet. Sy belangrikste doelwit die naweek op Loftus Versfeld is egter om alles vir sy geliefde Bulls-span te gee wanneer hulle teen sy ou span uitdraf. Botha het in aanloop tot Saterdag se sesde ronde van die Verenigde Kampioenskapsreeks gesê hy het vriende gebly met sommige van die Ierse spanlede. Die wedstryd skop om 7:45 af.

# Finansiële aanwysers: Die rand verhandel teen 15-rand-83-sent teen die dollar, 17-rand-76-sent teen die euro en 21-rand-16-sent teen die pond. Bitcoin verhandel teen 56-duisend-685-dollar-4-sent. Die prys van goud is een duisend-787-dollar-49-sent per fynons en die prys van Brent ruolie 82-dollar-12-sent per vat.

# En die wêreld se grootste diamant-herwinningsvaartuig het in Kaapstad aangekom ná ‘n nooiensvaart van vier weke uit Mangalië in Roemenië. Dit sal in die Moederstad toegerus word voordat dit vroeg volgende jaar met ontginning aan die Namibiese kus begin. ‘n Woordvoerder van De Beers Marine, Michael Curtis, sê die aflewering voltooi die skeepsboufase van ‘n mylpaalprojek wat meer as drie jaar gelede begin het. Die vaartuig sal onderwater-tegnieke gebruik om diamante uit die seebodem te onttrek.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away