Follow Us
Prasa CEO placed on precautionary suspension
Fri 19th Nov 2021
Medics find no signs of life after KZN homeless man finds fetus in a blanket in a bin
Fri 19th Nov 2021
Print Friendly, PDF & Email

NUUSFLITS NUUSAGENTSKAP 19 November 3 nm

Goeiemiddag,

In die bulletin:

# Suid-Afrika teken binne drie maande ‘n 20,7%-toename in moorde aan
# ‘n Amptenaar sê hy het opdrag gekry om met die Life Esidimeni-projek voort te gaan want die sperdatum kon nie verander word nie
# En daar word meer as 12-duisend leeus in Suid-Afrika in aanhouding geteel

# Die minister van Polisie, Bheki Cele, sê Suid-Afrika het ‘n toename van 20,7-persent in moorde aangeteken tussen 1 Julie en einde September vanjaar. Altesaam ses-duisend-163 mense is in die land vermoor. Cele het sy kwartaallikse misdaad-statistiekverslag vir die tweede kwartaal van die 2021/2022-boekjaar voorgelê. Cele sê in vergelyking met die vorige gewone tydperk, sonder die inperking, is die toename 13,2-persent:

Speel klankgreep: ENGBhekiCeleone

# ‘n Gautengse amptenaar wat die verplasing van sowat twee-duisend geestespasiënte na nie-regeringsorganisasies gelei het, sê hy is opdrag gegee om die projek in te stel omdat die sperdatum nie verander kan word nie. Levy Mosenogi het by die Life Esidimeni-verhore gesê hy en sy kollegas het onder geweldige druk gewerk om seker te maak die projek word deurgevoer. Hy sê die destydse LUR, Qedani Mahlangu, het daarop aangedring die projek moet voortgaan. Die amptelike ondersoek in die Hooggeregshof in Pretoria probeer tans bepaal of iemand strafregtelik verantwoordelik is vir die dood van meer as 140 pasiënte.

# Die internasionale dierewelsynsorganisasie Four Paws het skokkende beeldmateriaal verkry waarin onthul word wydverspreide grootkatboerdery vind regoor Suid-Afrika plaas. Die beeldmateriaal dien ook as ‘n bewys dat Suid-Afrika ook nou tiere vir kommersiële doeleindes teel. Dit dokumenteer beramings van tot 12-duisend leeus en ‘n onbekende aantal tiere wat in aanhouding geteel word. Die direkteur, Fiona Miles, sê tussen 2011 en 2020 is twee-duisend-402 leeus en 359 tiere vanaf Suid-Afrika uitgevoer – die meeste na Asië:

Speel klankgreep: ENG Fiona4PawsFootage

Intussen is drie olifante wat uit die Krugerwildtuin in Limpopo ontsnap het, terug in die Makuya-wildreservaat. ‘n Woordvoerder van die Departement Ekonomiese Ontwikkeling, Omgewingsake en Toerisme, Zaid Kalla, sê hulle sal uiteindelik na die Krugerwildtuin terugkeer. Hy sê bewaarders monitor die diere se gedrag. Kalla sê olifante verlaat om verskeie redes hul gebied:

Speel klankgreep: ENG ZaidKallaOnEllies

# Krieket: Kaapstad se nuwe burgemeester, Geordin Hill-Lewis, het die stad se ondersteuning beloof aan die organiseerders van 2027 se eendag-Wêreldbekertoernooi wat Suid-Afrika, Namibië en Zimbabwe gaan aanbied. Die Internasionale Krieketraad het die drie buurlande hierdie week as medegashere aangewys. Die Moederstad is gekies as een van die gasheerstede van dié internasionale spoggeleentheid. Hill-Lewis sê die metro ondersteun Krieket Suid-Afrika ten volle terwyl hulle begin om voor te berei vir die geleentheid. Suid-Afrika het die toernooi ook in 2003 aangebied.

# Finansiële aanwysers: Die rand verhandel teen 15-rand-74-sent teen die dollar, 17-rand-78-sent teen die euro en 21-rand-14-sent teen die pond. Bitcoin verhandel teen 56-duisend-929-dollar-1-sent. Die prys van goud is een duisend-860-dollar-87-sent per fynons en die prys van Brent ruolie 78-dollar-76-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away