Follow Us
Family confirms former president Jacob Zuma is hospitalised for regular check-up
Tue 16th Nov 2021
News 15:00
Tue 16th Nov 2021
Print Friendly, PDF & Email

NUUSFLITS NUUSAGENTSKAP 16 November 3 nm

Goeiemiddag,

In die bulletin:

# Ramaphosa verklaar ‘n routydperk vir FW de Klerk
# Steenhuisen sê die DA sal eerder ‘n sterk opposisie wees as deel van ‘n swak koalisie
# En Nick Kyrgios vra dat volgende jaar se Australiese Ope afgestel word

# President Cyril Ramaphosa het ‘n routydperk van vyf dae vir oudpresident FW de Klerk afgekondig. Hy sê die Suid-Afrikaanse vlag sal van Woensdagaand tot Sondag halfstok hang. Ramaphosa sê ook die regering gaan ‘n staats-gedenkdiens vir die oudpresident aanbied. Die 85-jarige De Klerk is Donderdag dood aan kanker. Die FW de Klerk-stigting het vroeër aangekondig sy verassing en begrafnisdiens sal Sondag plaasvind tydens ‘n privaat seremonie vir familielede.

# Die DA-leier, John Steenhuisen, sê waardes soos deursigtigheid is steeds die kern van hul koalisie-ooreenkomste om sterk regerings te skep met die klem op dienslewering. Steenhuisen sê hulle sal eerder ‘n sterk opposisie wees as deel van ‘n swak koalisie. Hy het verwys na die rigtingsverandering van die Patriotic Alliance om by die ANC aan te sluit in koalisies vir posisies. Steenhuisen sê dit verminder die kanse op ‘n DA-geleide koalisie in Johannesburg, maar daar kan steeds ‘n DA-geleide koalisie in Tshwane wees:

Speel klankgreep: ENG JohnSteenhuisenOnCoalitions

# Die Charl Kinnear-moordsaak hervat Vrydag in die Blue Downs Streekshof in Kaapstad nadat nog twee beskuldigdes bygevoeg is. Amaal Jantjies en Janick Adonis word beskuldig dat hulle help beplan het aan ‘n mislukte handgranaataanval by die speurder se huis in 2019. Hy is in September verlede jaar vermoor. Die borgtog-aansoek van Nafiz Modack, Zane Kilian, Jacques Cronjé, Ricardo Morgan en polisiebeampte Ashley Tabisher hervat Vrydag terwyl Jantjies en Adonis weer op 19 Januarie in die hof moet wees.

# Die Valke het nog drie mense in hegtenis geneem in verband met die VBS Mutual Bank-skandaal. ‘n Sewe-en-vyftigjarige gewese munisipale bestuurder en ‘n 39-jarige gewese finansiële hoof van ‘n munisipaliteit in Limpopo, sowel as die 41-jarige eienaar van ‘n privaat onderneming is vanoggend by hulle huise rondom Tshwane aangekeer. Nomthandazo Mbambo van die Valke sê hulle sal vandag in die hof verskyn op aanklag van korrupsie en geldwassery:

Speel klankgreep:  ENG FIN VBSAccusedToAppear

# Tennis: Nick Kyrgios doen ‘n beroep dat die Australiese Ope wat in Januarie sal plaasvind, gekanselleer word. Hy sê dit is moreel verkeerd om atlete te dwing om teen Covid-19 ingeënt te word. Victoria se premier, Daniel Andrews, weier tans om uitsonderings te maak sodat spelers wat nie ingeënt is nie aan die eerste Grand Slam-toernooi van die jaar kan deelneem. Kyrgios sê hy dink aan die mense van Melbourne wat lank ingeperk was:

Speel klankgreep: ENG KyrgiosOnAussieOpen

# Finansiële aanwysers: Die rand verhandel teen 15-rand-21-sent teen die dollar, 17-rand-30-sent teen die euro en 20-rand-45-sent teen die pond. Bitcoin verhandel teen 60-duisend-535-dollar-5-sent. Die prys van goud is een duisend-873-dollar-44-sent per fynons en die prys van Brent ruolie 82-dollar-54-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away