Follow Us
ANC calls for the City of Cape Town to suspend its auction of properties
Fri 4th Feb 2022
NewsFlash: Alleged Parliament arsonist denied bail
Fri 4th Feb 2022
Print Friendly, PDF & Email

NUUSFLITS NUUSAGENTSKAP 4 Februarie 3 nm

Goeiemiddag,

In die bulletin:

# Die vervolgingsproses teen die Openbare Beskermer kan nou voortgaan
# Raymond Zondo sê oudpresident Jacob Zuma moet geprys word omdat hy die Kantoor van die Hoofregter geskep het
# en die Suid-Afrikaanse Weerdiens waarsku teen swaar reën in verskeie provinsies

# Die Openbare Beskermer, Busisiwe Mkhwebane, mag gebruik maak van regsverteenwoordiging tydens vervolgingsverrigtinge teen haar in die Parlement. Dit is deel van ‘n uitspraak wat die Konstitusionele Hof vandag gelewer het. Die hof het ook beslis ‘n regter kan in die onafhanklike paneel aangestel word wat ondersoek instel of daar prima facie-getuienis teen Mkhwebane is. Die vervolgingsproses kan nou hervat word.

# Waarnemende Hoofregter Raymond Zondo sê oudpresident Jacob Zuma moet geprys word omdat hy die groen lig gegee het vir die skep van die Kantoor van die Hoofregter. Dit was die eerste fase om die regbank in Suid-Afrika onafhanklik te maak. Zondo sê hoofregter Sandile Ngcobo het in 2010 ‘n span of komitee aangestel om navorsing te doen waarna hulle die instelling van die Kantoor van die Hoofregter voorgestel het:

Speel klankgreep: ENGRaymondZondothree

# Die Universiteit van Kaapstad het SANParke kennis gegee hy is van voorneme om te dagvaar vir skade wat ‘n brand in April verlede jaar veroorsaak het. Hierdie stap word gedoen te midde van bewerings dat die bewaringsowerheid nie betyds brandbestrydings-helikopters ontplooi het nie. ‘n Woordvoerder van die universiteit sê hul versekeraar het hom opdrag gegee om voort te gaan met die hofsaak. Die brand het op 18 April verlede jaar ontstaan in die Tafelberg Nasionale Park, aangrensend aan die instelling. Dit het veroorsaak dat die universiteit miljoene rand se skade gelei het.

# Rugby: Die afrigter van die Leeus, Ivan van Rooyen, het verskeie veranderings aan sy span aangebring vir môre se Verenigde Rugbykampioenskaps-kragmeting met die Bulle op Loftus Versveld in Pretoria. Die Springbokflank Jaco Kriel is die kaptein van die besoekers van oorkant die Jukskeirivier in die herontmoeting nadat die Leeus verlede week met 10-34 getrap is. Die nommer 10-trui en skopwerk is aan Tiaan Swanepoel toevertrou in die plek van Fred Zeilinga, wat saam met Wandisile Simelane uit die groep van 23 gelaat is. EW Viljoen verskuif na die bank en Divan Rossouw vervang hom op heelagter.

# Finansiële aanwysers: Die rand verhandel teen 15-rand-35-sent teen die dollar, 17-rand-62-sent teen die euro en 20-rand-83-sent teen die pond. Bitcoin verhandel teen 37-duisend-846-dollar-3-sent. Die prys van goud is een duisend-810-dollar-70-sent per fynons en die prys van Brent ruolie 92-dollar-66-sent per vat.

# En ten slotte: Die Suid-Afrikaanse Weerdiens waarsku teen ontwrigtende reën en hewige donderstorms vandag in verskeie provinsies. Die meeste reënval word voorspel vir die Oos-Kaap, Noordwes, KwaZulu-Natal, Gauteng, Mpumalanga en Limpopo. In die volgende paar dae sal daar ook in die westelike en suidelike dele van die Vrystaat ontwrigtende reën voorkom. Die diens waarsku teen oorstromings en moontlike skade aan paaie en brûe in sekere gebiede. Inwoners word gewaarsku om nie strome wat vinnig vloei of dieper water te probeer oorsteek nie.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Available
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Available
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away