Follow Us
Capetonian wins property award with innovative Cape Flats development [SOUND]
Tue 23rd Nov 2021
South African Council for Educators to continue with case against prestigious boys’ school’s former principal
Tue 23rd Nov 2021
Print Friendly, PDF & Email

NUUSFLITS NUUSAGENTSKAP 23 November 1 nm

Goeiemiddag,

In die bulletin:

# ActionSA gaan vir die DA se burgemeesterskandidaat in Tshwane stem
# Popcru sê Suid-Afrika se polisiekantore is nie meer veilig nie
# En daar is ‘n beperkte aantal kaartjies beskikbaar vir die Bulls se tuiswedstryd teen Munster

# ActionSA se president, Herman Mashaba, sê die party in Tshwane sal vandag vir die DA se burgemeesterskandidaat, Randall Williams, stem. ActionSA het ‘n belofte aan alle Suid-Afrikaners gemaak om die ANC in hierdie verkiesing te ontsetel, maar Mashaba sê dit moet duidelik gestel word dat ActionSA nie in koalisie met die DA is nie. Hy sê die DA se optrede het ‘n stokkie gesteek voor enige koalisie-ooreenkoms. Hy sê daar kan nie in die toekoms op ActionSA se ondersteuning gereken word nie omdat daar nie ‘n amptelike koalisie gevorm is nie:

Speel klankgreep: ENGHermanMashaba

# Die munisipaliteit van George in die Suid-Kaap sê hulle is bewus dat ‘n groot deel van die stad deur wateronderbrekings geraak word na gister se oorstromings. ‘n Woordvoerder, Athena Scholtz, sê die oorstromings het ernstige skade aan infrastruktuur aangerig en hulle ingenieurs werk daaraan om dit te herstel. Die Siviele Ingenieursafdeling het gister teen laatmiddag 139-millimeter reën by die watersuiweringsaanleg gemeet. Watertenkwaens sal vandag rondtes doen. Die munisipaliteit se hoofgebou, uitsluitend die kassiersaal, is vandag vir die publiek gesluit. Vullis-verwydering sal vandag voortgaan.

# Die polisie- en gevangenisse-vakbond Popcru sê Suid-Afrika se polisiekantore is nie meer veilig vir die samelewing nie. Dit volg nadat swaar gewapende mans Sondag ‘n polisiekantoor in Limpopo beroof en ‘n groot aantal wapens gesteel het. Popcru sê ‘n spoedige herstrukturering van die Suid-Afrikaanse Polisiediens is nodig om die krisis te hanteer. Die vakbond sê polisiekantore raak nou onveilig vir polisielede en inwoners.

# Rugby: ‘n Beperkte aantal kaartjies sal vanaf môre beskikbaar wees vir Saterdag se Verenigde Rugbykampioenskap-kragmeting tussen die Bulls en die Ierse span, Munster, op Loftus Versfeld in Tshwane. Daar was ‘n miernes van bedrywighede tydens die onlangse Kampioenewedstryd toe ‘n beperkte aantal toeskouers dit kon bywoon. Bulls-woordvoerder, Chumani Bambani, sê hulle mag tans slegs tweeduisend toeskouers per wedstryd toelaat.

# Finansiële aanwysers: Die rand verhandel teen 15-rand-80-sent teen die dollar, 17-rand-79-sent teen die euro en 21-rand-14-sent teen die pond. Bitcoin verhandel teen 56-duisend-906-dollar-3-sent. Die prys van goud is een duisend-796-dollar-82-sent per fynons en die prys van Brent ruolie 78-dollar-88-sent per vat.

# En die Universiteit Stellenbosch sê hulle verskerp tans pogings om studenteskuld te beëindig. ‘n Woordvoerder, Thembalethu Seyisi, sê die Regstrust-voorsitter in Maatskaplike Geregtigheid onder leiding van die voormalige Openbare Beskermer, Thuli Madonsela, in samewerking met die toerismeliggaam, Visit Stellenbosch, sal vir hierdie doel ‘n staptog hou om fondse in te samel. Seyisi sê hoewel dit ‘n fondsinsamelingsgeleentheid is vir die #Action4Inclusion-veldtog, is dit verder ‘n geleentheid om maatskaplike geregtigheid te omhels teen die agtergrond van die land se problematiese geskiedenis:

Speel klankgreep: ENG StellenboschJourneyOfHope

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away