Nuus 13:00

BULLETIN  17 Maart 1 nm 

Goeiemiddag. Ek is……..

In die bulletin:

# Minister Motsoaledi ontken Binnelandse Sake vernietig toerisme
# AZAPO veroordeel die vandalisering van sy veldtog-reklamebord in Johannesburg
# En, tennis: Dit is Alcaraz teen Medvedev in Indian Wells-eindstryd

# Die minister van Binnelandse Sake, Aaron Motsoaledi, sê die departement vernietig nie die Suid-Afrikaanse toerismesektor nie. Motsoaledi het die media oor immigrasie- en visa-kwessies toegespreek wat onlangs sterk in die nuus was. Die minister sê die departement word beskuldig dat hy toeriste uit die land wegjaag, maar hy het die geleentheid gehad om dit met die minister van Toerisme, Patricia de Lille te bespreek:

# Die minister van Basiese Onderwys, Angie Motshekga, doen ‘n beroep op die Departement van Hoër Onderwys en Opleiding, in samewerking met hoër onderwysinstellings, om hulle inskrywingsbeplanning te verfyn. Motshekga het die Basiese Onderwys-lekgotla in Boksburg, Ekurhuleni, afgesluit. Die verfyning moet verseker die aantal gegradueerdes stem ooreen met vraag na gespesialiseerde onderrigvaardighede:

# Die Azanian People’s Organisation het die vandalisering van sy veldtog-advertensiebord in Braamfontein, Johannesburg veroordeel. AZAPO se woordvoerder, Jabu Rakwena, sê hulle vermoed dit is deel van politieke partye se onverdraagsaamheid, wat ‘n alleenreg op sekere gebiede wil uitoefen en weier om ruimte vir ander partye te laat:

# Sestien Nigeriese soldate is dood in ‘n sending om gevegte tussen twee gemeenskappe in die suidelike Delta-staat te keer. ‘n Weermagwoordvoerder sê die troepe, wat in die Bomadi-streek ontplooi is, het op die konflik in die Okuoma-gemeenskap gereageer toe hulle gesneuwel het. Aljazeera berig daar is gereeld skermutselinge, soms dodelik, oor grond of vergoeding vir oliestortings deur energiemaatskappye in die talle gemeenskappe in die Delta-staat.

# En, tennis: Carlos Alcaraz het van ‘n een-stel-agterstand, en ná ‘n drie-uur lange onderbreking weens reën, teruggeveg om ‘n einde te maak aan Jannik Sinner se segetog van 19 wedstryde en so sy plek in die eindstryd van die Indian Wells-toernooi verseker. Die Spanjaard het die Italianer met 1-6, 6-3, 6-2 verslaan en met die oorwinning sy nommer-twee posisie op die wêreldranglys behou. Alcaraz kom in die eindstryd teen Daniil Medvedev van Rusland te staan, wat die Amerikaner Tommy Paul in die ander halfeindstryd met 1-6, 7-6, 6-2 geklop het.

Bly ingeskakel vir meer nuus……………….