Follow Us
170-year-old retail shop to close in London’s Oxford Street
Thu 18th Nov 2021
Clinic celebrates 25th anniversary of one man’s dream to look after animals in Khayelitsha [SOUND]
Thu 18th Nov 2021
Print Friendly, PDF & Email

NUUSFLITS NUUSAGENTSKAP 18 November 1 nm
Goeiemiddag,

In die bulletin:

# Portefeuljekomitee vra ‘n volledige forensiese ondersoek van Ingonyama-trust in KZN se raad
# Die Departement van Water en Sanitasie wil ‘n einde bring aan die emmerstelsel
# En die Madibaland Wêreld-letterkundefees 2021 spog met twee Booker-pryswenners

# Die parlementêre portefeuljekomitee oor Grondhervorming vra ‘n volledige forensiese oudit van die Ingonyama-trust se raad, en vir ‘n regsmening dat die ministerie die instelling onder administrasie plaas. Dit volg na nog ‘n versoek vir uitstel voor die trust se finansiële verslag van die vorige boekjaar ingedien word. Die voorsitter, Mandla Mandela, sê die trust oorskry sy grense wat die bestuur van sy oorsigfunksies betref. Die trust behartig die administrasie van byna drie-miljoen hektaar grond namens die Zoeloe-koning. Dit sluit plase in wat onder tradisionele owerhede val.

# ‘n KwaZulu-Natalse boer is in ‘n ernstige toestand in die hospitaal nadat hy veelvuldige beserings opgedoen het tydens ‘n plaasaanval. Midlands-nooddienste het verskeie oproepe ontvang oor die aanval in die Boston-omgewing net buite Howick. ‘n Woordvoerder sê twee mense het blykbaar die huis binnegedring en die boer aangeval. Twee ambulanse is na die toneel gestuur. Die boer het gevorderde lewensondersteunende behandeling benodig en is op die toneel behandel voordat hy hospitaal toe geneem is.

# Die departement van Water en Sanitasie sê hy streef steeds daarna om die emmerstelsel, veral in die Oos-Kaap en die Vrystaat, te vervang. Môre is Wêreldtoiletdag. Meer as 12-duisend huishoudings in Suid-Afrika maak egter nog van die emmerstelsel gebruik. ‘n Woordvoerder van die departement, Sputnik Ratau, sê Wêreldtoiletdag word as ‘n platform gebruik vir bewusmaking van die daaglikse uitdagings om behoorlike en waardige sanitasie te verseker:

Speel klankgreep: ENGSputnikRatau

# Motorsport: Verteenwoordigers van die Formule Een-spanne Mercedes en Red Bull vergader vandag met die baanbeamptes in Katar. Dit volg ná Mercedes se versoek dat die besluit om Max Verstappen van Red Bull nie te straf nie, hersien word. Verstappen het Lewis Hamilton van die baan gedruk toe hy by die Sao Paulo Grand Prix probeer het om hom verby te steek. Die versoek is gegrond op nuwe beeldmateriaal van Verstappen se boordkamera ná Sondag se wedren. Die verhoor moet bepaal of Mercedes voldoen aan vereistes dat die besluit hersien word.

# Finansiële aanwysers: Die rand verhandel teen 15-rand-51-sent teen die dollar, 17-rand-58-sent teen die euro en 20-rand-94-sent teen die pond. Bitcoin verhandel teen 59-duisend-158-dollar-5-sent. Die prys van goud is een duisend-864-dollar-24-sent per fynons en die prys van Brent ruolie 79-dollar-87-sent per vat.

# En die Madibaland Wêreld-letterkundefees wat deur die Universiteit van Kaapstad en BookTown Richmond aangebied word, sal die grootste boekefees ooit in Suid-Afrika wees. Die universiteit het alle boekwurms genooi om van vandag tot volgende Vrydag aanlyn aan te sluit by die pret. Die organiseerder, Darryl David, glo Madibaland is ‘n ware viering van skrywers en wat hulle die samelewing oor menswees vertel. Hy sê om twee Booker-pryswenners, Ben Okri en Damon Galgut, daar te hê, is by wyse van spreke – uit die boeke.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away