Follow Us
News 12:00
Wed 9th Feb 2022
Freedom Front Plus says ANC is paying lip service to gender-based violence victims [SOUND]
Wed 9th Feb 2022
Print Friendly, PDF & Email

NUUSFLITS NUUSAGENTSKAP 9 Februarie 12 nm

Goeiemiddag,

In die bulletin:

# Die ACDP sê die nuwe gewysigde waarskuwingsvlak-voorskrifte kan tot verpligte inenting lei

# Renosterstropery neem toe op privaat eiendom

# En ‘n kernfisikus van Kaapstad se leersame strokiesprent is ‘n YouTube-treffer

# Die ACDP is bekommerd oor die nuwe gewysigde waarskuwingsvlak-voorskrifte wat die regering op die eerste van hierdie maand uitgereik het. ‘n Parlementslid van die ACDP, Bongani Nthuli, sê hulle beskou dit as ‘n inleiding tot verpligte inenting in Suid-Afrika. Hy wys daarop die grootste kommer is Regulasie 6 wat amptenare magtig om mense wat positief toets vir Covid-19 en simptome toon, in gedwonge afsondering te plaas. Nthuli sê dit beteken Suid-Afrikaners kan nou entstowwe toegedien word sonder hul toestemming. Hy doen ‘n beroep op die minister om hierdie regulasie te wysig.

#  ‘n Program waarin die voorste beskermers van die demokrasie die burgerlike gemeenskap en die publiek se perspektief op die staatsrede bied, word vanaand ses-uur aangebied by die St George-katedraal in Kaapstad. ‘n Woordvoerder van die organisasie Defend out Democracy, Duduetsang Mmeti, sê die geleentheid vind plaas voor president Cyril Ramaphosa môre sy staatsrede lewer. Vanaand se hoofspreker is die voormalige Openbare Beskermer, Thuli Madonsela. Mmeti sê verteenwoordigers van verskeie sektore sal ook insae lewer:

Speel klankgreep: ENG MmetiONRally

# Altesaam 451 renosters is in 2021 in Suid-Afrika gestroop, waarvan 327 in staatsreservate was en 124 op privaat eiendom. Daar was wel ‘n afname van 24-persent in renosterstropery teenoor die tydperk voor die Covid-19-pandemie in 2019, maar dit het op privaat grond toegeneem. Die minister van Bosbou, Visserye en die Omgewing, Barbara Creecy, het dié statistieke bekend gemaak. Sy sê die bestendige afname in stropings-voorvalle in die Krugerwildtuin is te danke aan ‘n toename in pogings om dit te bekamp. Een van die onvoorsiene gevolge is dat stropers nou privaat reservate in Limpopo en Mpumalanga in hulle visier het.

# Motorsport: Die president en uitvoerende hoof van Formule Een, Stefano Domenicali, sê die Mercedes-renjaer Lewis Hamilton se oënskynlike terugkeer dié seisoen is goeie nuus. Daar was onsekerheid of die sewemalige kampioen na die sport sal terugkeer ná ‘n omstrede beslissing verlede jaar wat die wenner van die Abu Dhabi-Grand Prix en die kampioenskap bepaal het. Domenicali het in ‘n onderhoud met Sky Sports gesê hy is seker Hamilton fokus nou daarop om vir die agtste keer die wêreldkampioen te word:

Speel klankgreep: ENG DomenicaliOnHamilton

# Finansiële aanwysers: Die rand verhandel teen 15-rand-33-sent teen die dollar, 17-rand-52-sent teen die euro en 20-rand-80-sent teen die pond. Bitcoin verhandel teen 43-duisend-425-dollar-5-sent. Die prys van goud is een duisend-827-dollar-47-sent per fynons en die prys van Brent ruolie 90-dollar-98-sent per vat.

# En ten slotte: Honderde mense het op YouTube na ‘n kernfisikus van Kaapstad, Nico Orce, se leersame strokiesprent Isomeric and The Radioactive Ion Bean Facility gekyk en daarop kommentaar gelewer. Orce sê hy het die strokiesprente begin teken om ‘n nuwe geslag plaaslike kernfisici te help kweek. Die strokiesprent vertel die verhaal van Isomeric, ‘n jong kernfisikus wat groot droom. Orce is verbonde aan die Universiteit van die Wes-Kaap se Departement Kernfisika en Kerntoepassings.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away