Nuus 12:00
BULLETIN NUUSAGENTSKAP 12 Desember 12 nm
Goeiemiddag. Ek is……..
In die bulletin:
# Die Elektrisiteitsminister sê die einde van beurtkrag en die versekering van toekomstige energiesekerheid, loop saam
# Die Regering kry die groenlig vir die verkrygingsproses van bykomende kernkrag
# En, rugby: Wêreldrugby-voorsitter sê 2025 Wêreldbeker vir vroue sal meer toeskouers lok
# Die minister van Elektrisiteit, Kgosientsho Ramokgopa, sê die regering het twee kritieke take, naamlik die beëindiging van beurtkrag, en om groter opwekkingskapasiteit vir die toekoms te verseker. Ramokgopa sê die land se beurtkrag-uitdaging is deels weens ‘n gebrek aan langtermyn-beplanning om die land se energiesekerheid in die toekoms te verseker:
Ramokgopa sê ook die Departement van Minerale Bronne en Energie het voldoen aan die Nasionale Energiereguleerder van Suid-Afrika se vereistes vir die verkryging van twee-duisend-500 megawatt kernkrag. Dit sal bykomend wees tot die eenduisend-800 megawatt wat Eskom hoop om te verseker, deur die Koeberg-kernkragstasie in Kaapstad se lewensduur met 20 jaar te verleng. Ramokgopa sê, bykomende opwekkingskapasiteit is noodsaaklik om die land se energietoekoms te help verseker:
# Die Stad Kaapstad sê ten spyte van veldtogte waar motorbestuurders die geleentheid kry om hul verkeersboetes en dagvaardings af te handel, hoop hul boetes steeds op. Die som van die boetes en dagvaardings wat tydens die jongste verkeersveldtog betaal is, bedra net meer as 4,6-miljoen-rand. Die burgemeesterskomiteelid vir Veiligheid en Sekuriteit, JP Smith, sê die afgelope week se syfer van 27-duisend-747 boetes wat uitgereik is, toon dat die wetteloosheid op paaie nie afneem nie:
# Rugby: Die voorsitter van Wêreldrugby, Bill Beaumont, sê die 2025 Wêreldbeker-toernooi vir vroue in Engeland sal verskeie generasies by die sport betrek. Sestien spanne sal meeding, teenoor die twaalf van die 2021-toernooi, met die gasvrou en tweemalige wenner, Engeland, die heersende kampioen Nieu-Seeland, Frankryk en Kanada, wat reeds verseker is van plekke in die skouspel. Sunderland se Stadium of Light sal die openingswedstryd aanbied, terwyl die eindstryd op Twickenham aangebied sal word. Beaumont sê die Wêreldbeker sal nuwe gehore inspireer op maniere wat rugby nog nie voorheen gedoen het nie.
# Die finansiële aanwysers: Die rand verhandel teen 18-rand-99-sent teen die dollar, 20-rand-50-sent teen die euro en 23-rand-88-sent teen die pond. Bitcoin verhandel teen 41-duisend-823-dollar-87-sent. Die prys van goud is een-duisend-985-dollar-48-sent per fynons en die prys van Brent ruolie 76-dollar-15-sent per vat.
# Om mee af te sluit: Gesondheidskenners aan die Universiteit Stellenbosch beweer die suikerbelasting op sy eie is nie genoeg om vetsug en nie-oordraagbare siektes te bekamp nie. Die Gesondheids-bevorderingsheffing wat in 2018 ingestel is, het ten doel gehad om suiker-inname te beperk, maar kundiges van die Universiteit, insluitend Yolande Smit, waarsku daarteen om op net die belasting staat te maak. Smit het potensiële nadelige gevolge beklemtoon, met verwysing na kompenserende gedrag en wat ongesonde alternatiewe veroorsaak. Smit vra verhoogde verbruikersopvoeding oor suikerinname met die huidige heffing van 11-persent wat as onvoldoende geag word.
Bly ingeskakel vir meer nuus……………….