Follow Us
UDM supports JSC recommendation of Justice Maya as next chief justice
Mon 7th Feb 2022
SAHPRA registers two Covid-19 vaccines [SOUND X2]
Mon 7th Feb 2022
Print Friendly, PDF & Email

NUUSFLITS NUUSAGENTSKAP 7 Februarie 12 nm

Goeiemiddag,

In die bulletin:

# Weskus-man in hof vir moord op tiener van Klawer
# Die Wes-Kaapse Gesondheidsdepartement sê data toon inenting help
# en Ysland bring in 2024 ‘n einde aan walvisjag weens kwynende mark

# Die 56-jarige Daniel Smit van Klawer het vanoggend in die plaaslike Landdroshof verskyn in verband met die moord op ‘n 13-jarige seun. Jerobiojin van Wyk se verminkte liggaam is verlede week in ‘n rioolpyp by Smit se huis gevind. Polisiebeamptes het vanoggend skokgranate afgevuur om ‘n klein groepie betogers by die polisiekantoor in bedwang te hou. Die woordvoerder van die Nasionale Vervolgingsgesag, Eric Ntabazalila, sê daar is verskeie aanklagte teen Smit:

Speel klankgreep: ENG EricONKlawer

# Die Oos-Kaapse Departement van Onderwys veroordeel ‘n boelievoorval in die Buffalo City-distrik waarin twee leerders van Hoërskool Cambridge betrokke was. Die departement se woordvoereder, Mali Mtima, sê ‘n video wat wyd versprei is op sosiale media, wys hoe ‘n seun met ‘n wit skoolhemp die slagoffer verskeie kere aanrand en hom wurg. Mtima sê amptenare van die distrik en die skool se bestuur sal vergader om die saak dringend te ondersoek.

# Die Wes-Kaapse Gesondheidsdepartement sê data toon die voordele van inenting oortref die risiko’s vir almal. Die departement sê die risiko van Covid-19-besmetting, veral ernstige gevalle, is baie hoër by oningeënte as ingeënte mense. Selfs tydens die Omikron-vlaag was die gevaar van sterfte in deurbraakgevalle in die provinsie byna vier keer laer as onder mense wat nie ingeënt is nie. Die gevaar van alle hospitaal-opnames van oningeënte gevalle was dubbel so hoog as onder ingeënte gevalle.

# Gholf: Die Amerikaner Tom Hoge het sy laaste ronde in 68 houe voltooi, drie minder as die baansyfer, om die Pebble Beach Pro-Am in Kalifornië met twee houe te wen en sy eerste PGA-titel in te palm. Die 32-jarige Hoge is die tweede agtereenvolgende speler wat sy eerste oorwinning op die toer behaal nadat Luke List verlede week die Farmers Insurance Ope gebuit het. Hoge se landgenote, Jordan Spieth en Beau Hossler, het onderskeidelik tweede en derde geëindig. Hoge, wat al ‘n naaswenner was by sy vorige 202 probeerslae op die PGA-toernooi, sê dit is wonderlik om uiteindelik die kroon te dra:

Speel klankgreep: ENG HogeOnWinning

# Finansiële aanwysers: Die rand verhandel teen 15-rand-48-sent teen die dollar, 17-rand-70-sent teen die euro en 20-rand-95-sent teen die pond. Bitcoin verhandel teen 42-duisend-642-dollar-4-sent. Die prys van goud is een duisend-812-dollar-35-sent per fynons en die prys van Brent ruolie 92-dollar-50-sent per vat.

# En ten slotte: Ysland is saam met Noorweë en Japan van die min lande waar walvisse steeds vir kommersiële gewin gejag word. Ysland beplan egter nou om in 2024 ‘n einde aan dié praktyk te bring. Die rede hiervoor is ‘n kwynende mark, sê dié land se regering. Die minister van Omgewingsake en Natuurlike Hulpbronne, en lid van die Groen Party, Svandis Svavarsdóttir, sê in die koerant Morgunblaðið daar is min geldige redes vir walvisjag ná 2024. Sy verduidelik kwotas verval dan en walvisjag sal daarna nie veel verdere ekonomiese voordeel inhou nie.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Available
WeCreativez WhatsApp Support
Editor on duty
Mariana Vos
Away