Follow Us
News 12:00
Sun 14th Nov 2021
Soccer: Bafana Bafana urged to go for maximum points
Sun 14th Nov 2021
Print Friendly, PDF & Email

NUUSFLITS NUUSAGENTSKAP 14 November 12 nm

Goeiemiddag,

In die bulletin:

# Die minister van Finansies deel ‘n taai klap uit aan André de Ruyter van Eskom
# Gemengde reaksie op die Cop26-klimaatooreenkoms
# En, motorsport: Max Verstappen en Lewis Hamilton word gestraf

# Eskom se uitvoerende hoof, André de Ruyter, is die luukse gegun om ‘n groot hoeveelheid beplande onderhoud te doen, maar sy stragie het nie vrugte afgewerp nie. Die minister van Finansies Enoch Godongwana het dié aantyging in ‘n onderhoud met die Sunday Times gemaak. Godongwana sê met meer beurtkrag het die land nie enige resultate in die beplande onderhoud gesien nie. Volgens data van die Wetenskaplike en Nywerheidsnavorsingsraad is beurtkrag in die land die ergste nog onder De Ruyter. Dit het die land meer as 120-miljard-rand gekos.

# Die Verenigde Nasies het die ooreenkoms wat by die Cop26-klimaatberaad in Skotland bereik is as beide ‘n belangrike stap én ‘n kompromis beskryf. Sommige aktiviste sê dit is verraad teen die planeet en sy mense. Daar is steeds hoop dat globale verwarming by 1,5-grade Celcius-perk gehou kan word. Maar die bewoording oor die gebruik van steenkool is op die nippertjie afgewater. Die hersiening, wat deur Indië voorgestel is, en deur China gesteun is, vra vir die vermindering van die gebruik van die vuilste fossielbrandstof in fases, eerder as die totale uitfasering daarvan. Die ooreenkoms het nie veel gedoen aan kwesbare lande se kommer oor finansiering wat lank reeds beloof word nie.

Die president van die Afrika-ontwikkelingsbank, Akinwumi Adesina, het intussen die wêreldverhoog van Cop26 gebruik om steun vir die vaandeldraer-projek, Desert to Power, te werf. Dit het ten doel om sonkrag aan 250-miljoen mense in elf lande in die Sahel te verskaf. Die projek het onlangs konsessie-finansiering van 2,3-miljard-rand van die Groenklimaatfonds ontvang en ‘n skenking van 307-miljoen-rand van Swede.  Desert to Power is die Ontwikkelingsbank se hernubare energie- en ekonomiese ontwikkelingsinisiatief om die Sahel-streek van krag teen 2030 te voorsien deur die bou van sonkrag-energiestelsels.

# ‘n Egpaar en hulle kind is laat gisteraand in ‘n tromp-op-botsing in Kimberley, in die Noord-Kaap, dood. Emer-G-Med paramedici het hulle na die ongelukstoneel gehaas waar twee motors gebots het. ‘n Woordvoerder, Kyle van Reenen, sê een van die voertuie het met die slag van die botsing in vlamme uitgebars en die insittendes, ‘n gesin van drie, het doodgebrand:

Speel klankgreep: ENGKyleVanHeenen

# En ten slotte: Motorsport: Max Verstappen van Red Bull is met byna 900-duisend-rand beboet omdat hy aan Lewis Hamilton se Mercedes geraak het ná die kwalifiserende rondte vir die Sao Paulo Grand Prix. Hamilton is vroeër gediskwalifiseer en het die naelren heel agter begin. Verstappen, wat 19 punte voor Hamilton is met vier wedrenne oor, het in die tweede plek vir gister se kwalifiserende 100-kilometer naelren weggespring wat die wegspringposisies vir vandag se Grand Prix by die Interlagos-baan bepaal. Hamilton is reeds met vyf wegspringposisies gestraf weens ‘n omruiling van enjins.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away