Follow Us
News 11:00
Wed 24th Nov 2021
Hersieningsaansoek rakende Gautengse tender vir ontsmetting van skole deur Spesiale Tribunaal aangehoor
Wed 24th Nov 2021
Print Friendly, PDF & Email

NUUSFLITS NUUSAGENTSKAP 24 November 11 vm

Goeiemôre,

In die bulletin:

# Die ANC se sekretaris in Gauteng sê die verlies aan Johannesburg, Tshwane en Ekurhuleni is ‘n terugslag
# Solidariteit verwelkom die Departement Energie se besluit om nie teen die bevinding oor die Mynbouhandves te appelleer nie
# En die Springbokvroue sien die Barbarians se spelpatroon as ‘n uitdaging

# Die ANC se sekretaris in Gauteng, Jacob Khawe, sê die verlies aan al drie die metro’s in die provinsie is ‘n terugslag vir die party. Die stede Johannesburg, Tshwane en Ekurhuleni het almal nou DA-burgemeesters. Die ANC het nie ‘n kandidaat in Tshwane voorgestel nie. Khawe sê hulle het tot die gevolgtrekking gekom daar is ‘n bende teen die ANC, en daarom sal hulle nie erkenning aan dié mense gee nie:

Speel klankgreep: ENGJacobKhawe

# Die Nasionale Werknemersorganisasie van Suid-Afrika sê Eskom se volgehoue onderbrekende en onbestendige kragvoorsiening hou Suid-Afrikaanse werknemers en die publiek gyselaar. Die organisasie se uitvoerende hoof, Gerhard Papenfus, sê die bedanking van Eskom se hoof- uitvoerende beampte, André de Ruyter, is nie die antwoord op jare se korrupsie en verwronge hervormings-beleide nie. Dié idee is onrealisties. Hy voeg by die langtermyn gevolge van Eskom se probleme op die samelewing gaan rampspoedig wees.

# Solidariteit het die Departement van Minerale Hulpbronne en Energie se besluit verwelkom om nie teen die onlangse Hooggeregshof-uitspraak oor die Mynbouhandves te appelleer nie. Die Noord-Gautengse Hooggeregshof in Pretoria het bevind die handves is ‘n beleidsinstrument en nie bindende wetgewing nie. Die departement meen ‘n appèl teen die uitspraak het ‘n skrale kans op sukses. Gideon du Plessis van Solidariteit sê hierdie besluit sal lei tot groter beleggings in die mynbousektor wat noodsaaklik is vir werkskepping in die hoofstroom-ekonomie.

# Die Europese Unie het maatreëls voorgestel om die bedrywighede te keer en te beperk van vervoer-operateurs wat by mensehandel of -smokkel betrokke is op die EU se buitegrense met Belo-Rusland. Meer as 40-duisend pogings om die EU via die  Belo-Russiese grens in te kom, is vanjaar voorkom. Die unie se president, Ursula von der Leyen, sê die maatreëls kan die opskort van lisensies of magtiging insluit, en ‘n verbod op deurgang, of vlugte oor die EU.

# Rugby: Die Springbokvroue se hulpafrigter, Lungisa Kama, verwag Saterdag ‘n taai stryd teen die Barbarians op Twickenham. Hy sê hy is veral in sy skik met van die drieë wat sy span in hul afgelope twee wedstryde, teen Wallis en Engeland se Onder-20’s aangeteken het. Hy meen die uitdaging gaan Saterdag wees om op hul eie spel te konsentreer en nie ontwrig te raak deur die avontuurlustige gees van die Baabaas nie:

Speel klankgreep: ENG KamaOnBaabaas

# En die finansiële aanwysers: Die rand verhandel teen 15-rand-84-sent teen die dollar, 17-rand-81-sent teen die euro en 21-rand-17-sent teen die pond. Bitcoin verhandel teen 56-duisend-526-dollar-2-sent. Die prys van goud is een duisend-793-dollar-71-sent per fynons en die prys van Brent ruolie 82-dollar-58-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away