Follow Us
News 11:00
Thu 18th Nov 2021
Motorsport: Mercedes right of review challenge to be heard in Qatar today
Thu 18th Nov 2021
Print Friendly, PDF & Email

NUUSFLITS NUUSAGENTSKAP 18 November 11 vm

Goeiemôre,

In die bulletin:

# Eskom kyk na die moontlikheid om beurtkrag vanaand op te hef
# Die Instituut vir Rasseverhoudinge sê die inperking is nie suksesvol nie en moet beëindig word
# En, Fifa hoor volgende week Safa se appèl teen die uitslag van die kwalifiserende wedstryd vir die Wêreldbeker aan

# Die Eskom-bestuurshoof, André de Ruyter, sê hulle wil vanaand om 9-uur beurtkrag tydelik ophef, en môreoggend van 5-uur tot 9-uur die aand weer Fase een implimenteer. Hy sê dit sal egter eers vanmiddag om 4-uur bevestig kan word. Hy het tydens ‘n inligtingsessie gesê verskeie eenhede is reeds weer in werking gestel. De Ruyter sê hulle het die week verskeie uitdagings gehad, maar die vooruitsigte vir die naweek is redelik bestendig:

Speel klankgreep: ENGAndrédeRuyter

# Die Instituut vir Rasseverhoudings sê die regering moet die ramptoestand afskaf en die Covid-19-bevelsraad ontbind. Suid-Afrika is vandag reeds 600 dae weens Covid-19 ingeperk.  Gabriel Crouse van die instituut sê die verlenging van die noodtoetstand is ongrondwetlik en waarskynlik bedrieglik verwoord. Hy voeg by die instituut het nog geen antwoord van president Cyril Ramaphosa gekry nie, na aanleiding van die brief wat die instituut verlede week aan hom gestuur het. In dié brief word die staat van inperking bevraagteken:

Speel klankgreep: ENG CrouseOnLockdown

# Die Moti-gesin het ontken enige losprys is betaal vir die vrylating van die broers Zia, Zayyad, Alaan en Zidan. Die seuns is verlede maand op pad skool toe in Polokwane in Limpopo ontvoer. News24 berig ‘n losprys van 50-miljoen-rand is na bewering in bondels kontant betaal om die vrylating van die seuns te bewerkstellig. Hulle is drie weke na hulle ontvoering in ‘n dorpie naby Vuwani afgelaai. Die gesin se woordvoerder, Keshia Pachiappen, sê geen losprys is betaal nie en die polisie het ‘n sentrale rol gespeel om die broers se veilige terugkeer te bewerkstellig.

# Die miljardêr-stigter van Microsoft, Bill Gates, sê die wêreld kan toekomstige epidemies voorkom. Hy het by die Bloomberg-forum oor die Nuwe Ekonomie in Singapoer gepraat. Gates sê die uitdagings om die wêreld teen Covid-19 in te ent, gaan volgende jaar verskuif, want verskaffingskwessies word opgelos. Die vraag is dan hoe om entstowwe logisties doeltreffend te versprei:

Speel klankgreep: ENG GatesOnEpidemics

# Sokker: Fifa het bevestig ‘n dissiplinêre komitee gaan volgende Dinsdag Suid-Afrika se appèl hersien dat die Wêreldbeker kwalifiserende wedstryd teen Ghana oorgespeel moet word.  Die Suid-Afrikaanse Sokkervereniging het ‘n klag gelê oor ‘n duidelike patroon van wedstryd-manipulasie tydens Bafana-Bafana se kwalifiserende wedstryd teen Ghan, met die strafdoel wat onregmatig toegestaan is. Suid-Afrika het die wedstryd met een-nul verloor. Die Fifa dissiplinêre kode laat ‘n appèl toe, gebaseer op ‘n oogelopende fout deur ‘n skeidsregter. Ghana het ook die reg om kommentaar op die saak te lewer.

# Finansiële aanwysers: Die rand verhandel teen 15-rand-49-sent teen die dollar, 17-rand-56-sent teen die euro en 20-rand-92-sent teen die pond. Bitcoin verhandel teen 59-duisend-604-dollar-1-sent. Die prys van goud is een duisend-867-dollar-42-sent per fynons en die prys van Brent ruolie 79-dollar-56-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away