Follow Us
ANC caucus changes its mind about Cape Town mayor’s offer of use of venues after fire at Parliament
Thu 6th Jan 2022
News 11:00
Thu 6th Jan 2022
Print Friendly, PDF & Email

NUUSFLITS NUUSAGENTSKAP 6 Januarie 11 vm

Goeiemôre,

In die bulletin:

# Die Parlement se brand-deure het volgens berigte nie toegegaan nie en bygedra tot die verspreiding van die brand
# Minister Ronald Lamola veroordeel die aanval op die Konstitusionele Hof in Braamfontein
# En, ‘n burgerlike organisasie wil ‘n interdik kry teen seismiese opnames langs die Weskus

# ‘n Verslag deur die brand-veiligheidspersoneel oor die brand by die Parlement sê die branddeure het hakies gehad wat Sondag gekeer het dat dit tydens die brand toegaan. Die ondersoek se doel is om die oorsaak van die brand vas te stel. Die bevindings is aan Kaapstad se burgemeester Geordin Hill-Lewis en die speaker van die Nasionale Vergadering, Nosiviwe Mapisa-Nqakula, oorhandig. Die burgemeesterskomiteelid vir Veiligheid en Sekuriteit, JP Smith, het aan News24 bevestig die branddeure was nie gesluit nie en die hakies is gebruik om dit oop te hou.

# Die minister van Justisie en Korrektiewe Dienste, Ronald Lamola, het ‘n aanval op die Konstitusionele Hof in Braamfontein, Johannesburg, ten sterkste veroordeel. ‘n Inbreker het vensters in die kompleks met ‘n hamer stukkend geslaan. Volgens die polisie is ‘n waarskuwingskoot afgevuur, maar die man het voortgegaan om vensters te breek, selfs nadat hy gewaarsku is om op te hou. Die woordvoerder van die departement, Chrispin Phiri, sê minister Lamola het die polisie geloof vir die vinnige inhegtenisneming:

Speel klankgreep: ENGChrispinPhiri

# ‘n ANC-streek in Limpopo het sy ondersteuning uitgespreek dat Cyril Ramaphosa ‘n tweede termyn aanbly as leier van die party. Sekhukhune het die aankondiging gemaak in aanloop tot die naweek se 8 Januarie-viering in Polokwane. Die streeksvoorsitter, Mathope Tala, het Ramaphosa by ‘n ANC-geleentheid verwelkom en gesê hy kan op hulle ondersteuning staatmaak om nog vyf jaar as leier te dien. Tala sê net Ramaphosa kan die ANC red. Die party sal sy verkiesingskonferensie aan die einde van die jaar hou.

# Die burgerlike organisasie “We are South Africans” het begin met ‘n proses om ‘n interdik te bekom teen die Australiese maatskappy Searcher Seismic se beplande seismiese opname langs die Weskus. Woordvoerder Gilbert Martin sê ‘n verkennings-permit is uitgereik met ‘n effektiewe datum van 6 Desember. Hy sê die opname word beplan om op 15 Januarie te begin, maar die publiek kan steeds beswaar maak.  Die organisasie het intussen met ‘n versoekskrif begin wat op hulle webblad beskikbaar is:

Speel klankgreep: AFR GilbertMartinOOROpname

# Krieket: Die reeks om die As tussen Engeland en Australië se vrouespanne is met ‘n week vervroeg om spelers in staat te stel om hulle in Nieu-Seeland af te sonder voor die Wêreldbeker begin. Die reeks begin nou op die 20ste van die maand in Adelaide met die eerste van drie T20’s. Die spanne takel mekaar daarna in een toets en drie eendagwedstryde. Engeland het laas in die 2013/2014-seisoen die reeks gewen. Die Wêreldbekertoernooi begin op 4 Maart.

# En die finansiële aanwysers: Die rand verhandel teen 15-rand-90-sent teen die dollar, 17-rand-97-sent teen die euro en 21-rand-50-sent teen die pond. Bitcoin verhandel teen 43-duisend-100-dollar-7-sent. Die prys van goud is een duisend-801-dollar-28-sent per fynons en die prys van Brent ruolie 80-dollar-31-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away