Follow Us
News 11:00
Mon 3rd Jan 2022
City of Cape Town says initial findings on fire in Parliament buildings show possible second point of origin
Mon 3rd Jan 2022
Print Friendly, PDF & Email

NUUSFLITS NUUSAGENTSKAP 3 Januarie

Goeiemôre,

In die bulletin:

# Kaapstad se burgemeester sê die Parlement se biblioteek is veilig, en het net rookskade opgedoen
# Byna 200-duisend besoekers het tydens die Kersnaweek na eThekwini gestroom
# En, Suid-Afrika en Indië takel mekaar van vandag af in die tweede kriekettoets op die Wanderers

# Altesaam 20 brandbestryders was vanoggend vroeg steeds op die toneel ná gister se brand by die Parlementsgebou in Kaapstad. Hulle gee aandag aan brandpunte op die vierde verdieping van die Nasionale Vergadering. Kaapstad se burgemeester, Geordin Hill-Lewis, sê die Parlement se biblioteek is veilig, maar daar is moontlik rookskade aangerig. Groot skade is aangerig aan die nuwe vergadervleuel wat die Nasionale Vergadering-saal insluit. Die ou Volksraadgebou se dak het ingestort. Daar is geen skade aan die speaker se kantore nie.

# eThekwini se burgemeester, Mxolisi Kaunda, sê byna 200-duisend besoekers het oor die Kersnaweek op die stad toegesak en sowat 150-miljoen-rand daar bestee. Die bydrae tot die stad se BBP is ongeveer 350-miljoen-rand. Die stad se verblyfplekke het sedert 15 Desember tot môre ‘n besettingskoers van 80-persent gehandhaaf. Die munisipaliteit se woordvoerder, Msawakhe Mayisela, sê dit het daartoe gelei dat restaurante en eetplekke in die townships en ander bestemmings uit hul nate gebars het:

Speel klankgreep: ENGMsawakheMayisela

# Die minister van Gesondheid, Joe Phaahla, het eenduisend-764 babas verwelkom wat op Nuwejaarsdag by verskeie openbare gesondheidsgeriewe in die land gebore is. Die eerste baba was ‘n 25-jarige ma se dogtertjie wat om middernag haar opwagting gemaak het by die Shongwe-hospitaal in Mpumalanga. Die woordvoerder, Foster Mohale, sê 894 dogtertjies is gebore teenoor 870 seuns, terwyl 65 ma’s tieners is tussen die ouderdom van 13- en 19-jaar oud:

Speel klankgreep: ENGFosterMohale

# Krieket: Indië se kaptein, KL Rahul, het die loot gewen en besluit om eerste te kolf in die tweede toets teen Suid-Afrika op die Wanderers in Johannesburg. Rahul voer die span aan nadat Virat Kohli beseer is. Vir die gasheer speel Kyle Verreyne paaltjiewagter na Quinton de Kock se uittrede, terwyl Duanne Olivier vir Wiaan Mulder vervang. Suid-Afrika verkeer onder druk om goed te vaar nadat die toerspan verlede week se eerste toets oortuigend gewen het.

# Finansiële aanwysers: Die rand verhandel teen 15-rand-93-sent teen die dollar, 18-rand-6-sent teen die euro en 21-rand-50-sent teen die pond. Bitcoin verhandel teen 46-duisend-966-dollar-8-sent. Die prys van goud is een duisend-822-dollar-60-sent per fynons en die prys van Brent ruolie 78-dollar-37-sent per vat.

# En om mee af te sluit, veldwagters was onlangs verstom om ‘n trop van 13 olifante buite die Limpopo Nasionale Park in Mosambiek aan te tref waar hulle geduldig by ‘n hek wag om ingelaat te word. ‘n Woordvoerder van die Vredesparke-stigting sê die veldwagters het die hek oopgemaak en toegekyk hoe die olifant-gesin rustig verby slenter na die Massingir-dam se oewer. Die oorgrenspark is teen die Krugerwildtuin geleë. Twintig jaar gelede het die streek se oorblywende olifante egter die grens na die naburige Krugerwildtuin oorgesteek.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away