Follow Us
Nasionale Raad van DBV’s wen waterskeiding-saak oor mishandeling van reptiele
Thu 3rd Feb 2022
News 11:00
Thu 3rd Feb 2022
Print Friendly, PDF & Email

NUUSFLITS NUUSAGENTSKAP 3 Februarie 11 vm

Goeiemôre,

In die bulletin:

# Eskom se bestuurshoof sê die kragstelsel het verbeter, maar beurtkrag sal voortduur
# Die DA in Noordwes vra verskaffers wat by die beskermende-toerusting-skandaal betrek is, moet op Tesourie se swartlys geplaas word
# En, die Stad Kaapstad sê die uitwerking van Transnet se ineenstorting is duidelik te sien

# Eskom se bestuurshoof, André de Ruyter, sê die kragstelsel verbeter, maar nie genoeg om ‘n einde aan beurtkrag te bring nie. Hy sê hulle kon deur die nag drie eenhede herstel, maar nog twee het onklaar geraak. Die elektrisiteitvoorsiener pas nou fase-twee-beurtkrag toe, wat tot Maandagoggend 5-uur sal duur. De Ruyter het vandag die land oor die stand van die stelsel ingelig, en gesê daar is ook ‘n klein verbetering in die dam- en dieselvlakke:

Speel klankgreep: ENG RuyterOnSystem

# Die DA in Noordwes het die provinsiale LUR vir Finansies, Motlalepula Rosho, gevra alle maatskappye wat by die onlangse verslag deur die Spesiale Ondersoekeenheid betrek word, moet by die Nasionale Tesourie se swartlys van verskaffers gevoeg word. Freddy Sonakile van die DA sê die Ondersoekeenheid se verslag oor korrupsie met Persoonlike Beskermende Toerusting het gewys meer as twintig maatskappye het hul pryse hiervoor buitensporig verhoog, strydig met instruksies van die Nasionale Tesourie:

Speel klankgreep: ENGFreddySonakile

# Die regstreekse en vernietigende uitwerking van Transnet se ineenstorting is daar vir almal om te sien. Dit is die mening van die Stad Kaapstad se burgemeesterskomiteelid vir Vervoer, Rob Quintas. Deel twee van die staatskapingsverslag onthul hoe Transnet in 2009 gekaap is toe staatsfondse na die Guptas se ondernemings herlei is. Quintas sê padnetwerke in Kaapstad is onder geweldige druk omdat vragmotors vrag moet vervoer wat eintlik per trein vervoer moes word. Hy sê die plaaslike ekonomie het spoorinfrastruktuur en -bedrywighede wat aan die vraag voldoen dringend nodig.

# Die Verenigde Nasies het die guerrilla-aanval op ‘n kamp vir ontheemde mense vroeër die week in die Demokratiese Republiek van die Kongo veroordeel. Minstens 50 mense is in die aanval dood, onder wie vroue en kinders. Die Verenigde Nasies se afvaardiging in die land sê die aanval is gedoen deur lede van die sogenaamde Cooperative for the Development of the Congo. Die VN sê humanitêre amptenare berig toegangspaaie na die kamp is onveilig en die lewering van humanitêre hulp ‘n uitdaging.

# Krieket: Andrew Strauss het as tussentydse besturende direkteur van Engeland se manspan oorgeneem, in die plek van Ashley Giles wat die trekpas gekry het. Volgens The Guardian het Giles gister met die Engelse en Walliese Krieketraad vergader nadat hy sy verslag oor die mislukte reeks om die As teen Australië ingedien het. Hy het toe gehoor sy drie jaar as besturende direkteur kom onmiddellik tot ‘n einde. Engeland het die reeks vier-nul verloor. Die voormalige Engelse kaptein, Nasser Hussain, het aan Sky Sports gesê dit was te verwagte dat Giles die trekpas sou kry.

Speel klankgreep: ENG HussainOnGiles

# En die finansiële aanwysers: Die rand verhandel teen 15-rand-34-sent teen die dollar, 17-rand-33-sent teen die euro en 20-rand-79-sent teen die pond. Bitcoin verhandel teen 37-duisend-061-dollar-3-sent. Die prys van goud is een duisend-804-dollar-62-sent per fynons en die prys van Brent ruolie 89-dollar-24-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Available
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Available
WeCreativez WhatsApp Support
Technical Support
Tekkie
Available
WeCreativez WhatsApp Support
Editor on duty
Mariana Vos
Away