Follow Us
News 09:00
Fri 11th Feb 2022
Politieke ontleder sê Cyril Ramaphosa se staatsrede was vol beloftes, maar implementering is hoofsaak [KLANK]
Fri 11th Feb 2022
Print Friendly, PDF & Email

NUUSFLITS NUUSAGENTSKAP 11 Februarie 9 vm

Goeiemôre,

In die bulletin:

# Bheki Cele sê net die president kan hom afdank of nie
# Afriforum sê Cyril Ramaphosa se staatsrede was vol leë beloftes
# En, die Kommissie vir Geslagsgelykheid is besorgd oor moorde op maats in intieme verhoudings

# Die minister van Polisie, Bheki Cele, sê president Cyril Ramaphosa moet besluit of hy afgedank word of nie ná die bekendmaking van die verslag oor die onluste in Julie. Die verslag kom tot die gevolgtrekking dat die regering se aanvanklike hantering van die oproer in KwaZulu-Natal en Gauteng onbeholpe was en die polisie se operasionele beplanning power. Ramaphosa het in sy staatsrede gesê die Kabinet aanvaar verantwoordelikheid vir die oproer. Cele sê daar was ses bestuursposte vakant tydens die onrus en dit het misdaadintelligensie verswak:

Speel klankgreep: ENG CeleOnSuspensions

# AfriForum sê president Cyril Ramaphosa se staatsrede het weereens sy reputasie bevestig as ‘n man vol mooi woorde maar geen aksie nie. Die organisasie se woordvoerder, Jacques Broodryk, sê die president het weer belowe om werkloosheid uit te wis, maar ANC-beleid is een van die grootste oorsake van werkloosheid. Hy sê Ramaphosa is berug vir sy leë beloftes en dit skep geen vertroue nie:

Speel klankgreep: AFR JacquesOORSONA

# Die Geslagsgelykheidskommissie sê hy is bekommerd oor die toename in moorde op intieme maats in die land. Dit volg nadat ‘n polisielid sy meisie, ‘n verpleegassistent, by die Tembisa-hospitaal in Gauteng vermoor het. Die kommissie se woordvoerder, Javu Baloyi, sê Tembisa is ‘n bekende brandpunt vir geslagsgeweld. Hy sê dit plaas groot druk op wetstoepassings- en sekerheidsowerhede om waaksaamheid te verskerp en sekerheid by openbare fasiliteite te verhoog:

Speel klankgreep: ENGJavuBaloyi

# Gholf: Daniel Hillier van Nieu-Seeland en Adrien Saddier van Frankryk deel ‘n eenhou-voorsprong ná albei se rondes van nege onder baansyfer op die eerste dag van die Demension Data Pro-Am by die Fancourt-gholflandgoed in die Wes-Kaap. Robert Foley van Switserland is met agt onder baansyfer in die derde plek, terwyl ses spelers die vierde plek deel met sewe onder baansyfer. Hillier, wat verlede jaar sy eerste Uitdaag-toernooi-titel by die Challenga Costa Brava gewen het, sê dit het gister goed met hom gegaan:

Speel klankgreep: ENG HillierOnPerformance

# Finansiële aanwysers: Die rand verhandel teen 15-rand-22-sent teen die dollar, 17-rand-34-sent teen die euro en 20-rand-60-sent teen die pond. Bitcoin verhandel teen 43-duisend-3-dollar-9-sent. Die prys van goud is een duisend-823-dollar-81-sent per fynons en die prys van Brent ruolie 90-dollar-80-sent per vat.

# En om mee af te sluit, die Verenigde Nasies sê wetenskap en geslagsgelykheid is albei noodsaaklik om internasionale ontwikkelingsdoelwitte te bereik. Dit sluit die 2030 Agenda vir Volhoubare Ontwikkeling in. Dit is vandag Internasionale Dag vir Vroue en Meisies in die Wetenskap en die tema is Gelykheid, Verskeidenheid en Insluiting. Wêreldwyd is slegs 33-persent van navorsers vroue. Hulle navorsingstoelaag is minder as dié van mans en hulle kanse op bevordering is skraler. Die VN-vroue se uitvoerende direkteur, Sima Bahous, sê die beginsel van gelykheid moet aktief toegepas word sodat wetenskap ook vir vroue kan werk.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Available
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Available
WeCreativez WhatsApp Support
Technical Support
Tekkie
Available
WeCreativez WhatsApp Support
Editor on duty
Mariana Vos
Away