Follow Us
News 09:00
Tue 8th Feb 2022
Cricket: New Zealand captain Kane Williamson ruled out of the Test series against the Proteas
Tue 8th Feb 2022
Print Friendly, PDF & Email

NUUSFLITS NUUSAGENTSKAP 8 Februarie 9 vm

Goeiemôre,

In die bulletin:

# ‘n Politieke ontleder sê die onluste in Julie is ‘n verleentheid vir Cyril Ramaphosa
# Vakbonde sê Clover gaan minder werkers afdank
# Joe Biden dreig weer met streng sanksies indien Rusland die Oekraïne binneval

# ‘n Politieke ontleder, Daniel Silke, sê die verslag oor die onluste in Julie in KwaZulu-Natal en Gauteng is ‘n verleentheid vir president Cyril Ramaphosa, in sy hoedanigheid as uitvoerende hoof. Meer as 300 mense is dood in die oproer. Die verslag van 154-bladsye het bevind die interne onmin in die ANC het tot die onluste bygedra en moet as ‘n saak van nasionale veiligheid aangepak word. Die verslag sê verder intelligensiedienste kon nie die aard, omvang en modus operandi van die geweld voorsien nie. Silke sê dit sal selfs ‘n groter verleentheid wees as betekenisvolle verantwoordbaarheid nie op die verslag volg nie.

# Die vakbond  Giwusa en die Vakbond vir Voedsel- en Verwante Werkers beweer werkers se staking het Clover se bestuur gedwing om sy planne vir massa-afleggings te verander. Giwusa se president, Mametlwe Sebei, sê 812 werkers sou hulle werk verloor indien die maatskappy hierdie maand sy tak in City Deep na Atlasweg in Boksburg sou skuif. Volgens hom gaan Clover nou net nege mense afdank:

Speel klankgreep: ENGMametlweSebei

# Die Onafhanklike Polisie-ondersoekdirektoraat ondersoek ‘n saak waarin ‘n man in Bloemfontein weens polisie-optrede dood is. Dit volg nadat die polisie ‘n 41-jarige man doodgeskiet het omdat hy ‘n R5-geweer in sy besit gehad en dit van sy motor se sitplek opgetel het terwyl hy bestuur. OPOD sê die twee polisiebeamptes het die man 36 keer geskiet. Hy sê die polisie het ‘n ondersoek na die saak gelas, maar dit het ná ‘n voorlopige ondersoek na ‘n moordsaak verander.

# Amerika se president Joe Biden sê sake kan nie normaal voortgaan indien Rusland die Oekraïne se soewereiniteit skend nie. Meer as 100-duisend Russiese soldate is tans op die grens met die Oekraïne saamgetrek. Biden sê hulle sal nie huiwer om die Russiese gaspyplyn na Duitsland, die Nord Stream 2, te sluit nie. Die Oekraïnse president Volodymyr Zelensky het die pyplyn vroeër as ‘n gevaarlike geo-politiese wapen beskryf. Biden het herhaal dat streng sanksies teen Rusland ingestel sal word indien hy die Oekraïne binneval:

Speel klankgreep: ENG BidenOnRussia

# Tennis: Die Vroue-tennisvereniging sê hulle is steeds bekommerd oor die Chinese speler Peng Shuai. Sy het in ‘n onderhoud met die Franse koerant, L’Equipe, gesê sy het nooit beweer sy is seksueel aangerand nie en haar sosialemedia-inskrywing in November was ‘n groot misverstand. In die inskrywing wat vinnig verwyder is, beweer sy ‘n senior regeringsamptenaar het haar seksueel aangerand. Die vereniging se uitvoerende hoof, Steve Simon, sê hulle het versoek dat die betrokke owerhede ‘n amptelike ondersoek na die bewerings van stapel stuur en dat die vereniging geleentheid kry om Peng se situasie privaat met haar te bespreek.

# En die finansiële aanwysers: Die rand verhandel teen 15-rand-55-sent teen die dollar, 17-rand-77-sent teen die euro en 21-rand-2-sent teen die pond. Bitcoin verhandel teen 44-duisend-351-dollar-6-sent. Die prys van goud is een duisend-819-dollar-30-sent per fynons en die prys van Brent ruolie 92-dollar-38-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away